Qazaqstan Respýblıkasynyń Qarýly Kúshterinde «ArHO-2021» oıyndarynadaıarlyq uıymdastyryldy.
Armııa halyqaralyq oıyndary halyqaralyq áskerı yntymaqtastyq pen tájirıbe almasý is-sharasy ǵana emes, sondaı-aq áskerı qyzmetshilerdiń jaýyngerlik sheberligin arttyrýdyń tıimdi quraly bolyp tabylady.
Oıyndarǵa daıarlyq pen qatysý kezinde jaýyngerler kásibı daǵdylaryn jetildiredi.Bul daǵdylar olarǵa jarys barysynda ǵana emes, sonymen qatar kúndelikti jaýyngerlik oqý-jattyǵý is-qımylynda da qajet.
Bıyl qazaqstandyq komandalardyń «ArHO-2021» oıyndaryna daıarlyǵy jarys formatynda ótedi, oǵan barlyq óńirlik qolbasshylyqtardyń, ásker tekteriniń ókilderi qatysady. Bul Armııa halyqaralyq oıyndarynyń ulttyq irikteý kezeńi bolmaq.
Oqý-jattyǵý polıgondarynda ótetin jarystarda áskerı qyzmetshilerdiń kásibı sheberlikterin kórsetýi úshin qajetti jaǵdaı jasalatyn bolady.
Jarys qorytyndysy boıynsha Qarýly Kúshter aýqymynda úzdik áskerı qyzmetshiler, ekıpajdar men eseptoptar anyqtalyp, sondaı-aq «ArHO-2021» konkýrsyna qatysý úshin komandalar qurylady.
Anyqtama retinde: Armııa halyqaralyq oıyndary 2015 jyldan bastap jyl saıyn ótkiziledi. Oǵan qatysýshy elder men baıqaýlar ótetin jerler jylda keńeıip keledi. Qazaqstannyń Qarýly Kúshterioıyndardyń barlyq saıysynda sátti jarys nátıjelerin kórsetetin elderdiń biri sanalady. Al «Artıllerııadan oq atý sheberi», «Suńqar ańshylyǵy» jáne «Senimdiqabyldaý» konkýrstarynda árdaıym alǵy shepten kórinedi.
