Almaty ákimdigi 8 naýryz – Halyqaralyq áıelder kúni marsh ótkizýge ruqsat berdi. Bul týraly áıelder marshyn uıymdastyrýshy toptardyń biri Feminita jelidegi paraqshasynda habarlady, dep habarlaıdy "Adyrna" ulttyq portaly centralasian.org. saıtyna silteme jasap.
Toptyń málimetinshe, marshty Feminita tobymen birge «QazFem», «FemSreda», SVET qory men FemAgora uıymdastyrady. Málimdemede sherý «Shevchenko kóshesin boıynda, Gandı eskertkishinen Shoqan Ýálıhanov eskertkishine deıin ótetini» jazylǵan.
«Ókinishke qaraı, beıbit mıtıng zańy sherý ótkizetin oryndy tańdaýǵa múmkindik bermeıdi» deıdi uıymdastyrýshylar. Femınıstik toptar mıtıngige qajetti qarjyny jınaý úshin kraýdfandıng bastamaq.
2020 jyly 8 naýryzda Almatyda ótken áıelder marshyna eki júzden adam qatysqan. Shara kezinde qatysýshylar «Árbir áıel mańyzdy» degen jazýy bar gúl shoǵyn órtegen. Polıııa muny «buzaqylyq» dep taýyp, marshtyń eki qatysýshysyna aıyppul salǵan.
Sol kezde halyqaralyq Human Rights Watch uıymy Qazaqstan bıliginen eki belsendige shyqqan aıyppul sheshimin joıýdy talap etken. HRW belsendiler «pikirin erkin aıtý quqyǵynyń aıasynda qoǵamǵa esh qaýip tóndirmeıtin áreketi úshin» jazalandy degen.
Bıyl ótetin marsh Qazaqstanda qabyldanǵan «Beıbit mıtıng týraly» jańa zań aıasynda ótpek. Nur-Sultan qoǵamdaǵy synnan soń mıtıng zańyn ózgertip, halyqtyń pikir aıtýyna jol ashamyz dep ýáde etken. Biraq sarapshylar jańadan qabyldanǵan beıbit mıtıng zańynda kedergiler sol kúıi qaldy dep sanaıdy. Áli kúnge beıbit mıtıngige ruqsat alý qıyn.
Bılik ruqsat etilmegen mıtıngige shyqqandardy kúshtep ustap, ákimshilik jaýapqa tartady.
Eýroparlament 11 aqpanda Qazaqstanǵa qatysty qabyldaǵan qararynda bılikten beıbit mıtıngige kedergi keltirmeı, zańdy qaıta ózgertýge shaqyrdy.
