Dańqty balýan Qajymuqan Muńaıtpasulynyń túrli-tústi vıdeosy jarııalandy, dep habarlaıdy «Adyrna» tilshisi kznews.kz-ke silteme jasap.
Vıdeoda balýan ózge áriptesterimen birge aınalyp júrip, kameraǵa túsken. Beınejazbany áleýmettik jelige Qaısar Janbolat júktedi.
Qajymuqan Muńaıtpasuly 1871 jyly Aqmola ýezi, Qaraótkel bolysyna qarasty Qospa eldi mekeninde dúnıege kelgen. Jastaıynan el arasynda qazaqsha kúreske qatysyp, «bala palýan» atanǵan. Ombydaǵy ırktiń ashylýynan habardar bolǵan Muqan 1889 jyly at basyn osy qalaǵa buryp, Zlobın palýanmen kúsh synasyp, jeńisti qanjyǵasyna baılady.
Zlobınniń aqyl-keńesine súıenip, Peterbordaǵy Tadevsko-Lebedev atyndaǵy mektepte franýz kúresin meńgeredi. 1890 jyly Kıev qalasynda ótken halyqaralyq týrnırde beldesedi. 1910 jyly alǵash ret Ońtústik Amerıka qurlyǵyna qaraı jol tartady. Argentına astanasy Býenos-Aıres qalasynda erkin kúresten baq synaıdy. Nátıjesinde Amerıka chempıony atanady.
1911 jyly Ystambulda túriktiń ataqty palýany Nurlyǵany jeńgeni úshin «qajy» ataǵyn ıelenip, Qajymuqan esimimen kópshilikke tanylady. Uly Otan soǵysy kezinde el aralap, ırk ónerin kórsetip, 100 myń somdaı aqsha taýyp, tikushaq jasatyp maıdanǵa jiberedi. Qazaq halqynyń tarıhyndaǵy tuńǵysh kásipqoı balýan Temirlanmen irgeles jatqan «Zerdeli» aýylynda (qazirgi «Qajymuqan» aýyly) dúnıeden ótken.
«Adyrna» ulttyq portaly
