Alataý dástúrli óner teatryna basshylyq qyzmetke taǵaıyndalǵan aıtysker, aqyn Rınat Zaıytov ınstagram paraqshasynda pikir qaldyrdy, dep habarlaıdy "Adyrna" ulttyq portaly.
Qadirli aǵaıyn, búgin Alataý dástúrli óner teatryna qyzmetke taǵaıyndaldym. Jalǵan sóılep, aqtalýdan aýlaqpyn. Degenmen de qaıda baryp, ne istesem de barlyǵy áýeli Jaratýshy, sonan soń ómirlik tilekshim, saqtaýshym, janashyrym da Halyq bolǵandyqtan bir aýyz túsindirip óteıin.
Adam bir nársege qabiletti ekenin kórsetpeıinshe, eshkimge eshteńeni qur sózben dáleldeı almaıtyny aıdan anyq. Sondyqtan maǵan berilgen bul múmkindik birinshi kezekte ózime synaq. Úsh júzge sóılep júrgen aqyndaryńyz eki júz adamdy jumyldyryp jumys istete almasa, onyń paıdasy ne? Osy sózben kelisetin shyǵarsyzdar? Ómirdegi eń úlken tilegim óz elimniń bir buryshynda qazaq ónerine adal qyzmet etý ǵana.
Ony talaı jerde aıtyp ta júrdim. Mine sol tilegimniń alǵashqy kúni búgin ótti. Quttyqtaý artyq. Sáttilik tileseńizder, alǵysym sheksiz. Almaty qalasynyń mádenıet basqarmasynyń basshylyǵyna senim bildirgenine kóp rahmet. Ázirge osylaı… – dedi Rınat Zaıytov.
