Májilis depýtattary elimizdegi sýııd jaǵdaılarynyń ýshyǵyp ketýine baılanysty Premer-Mınıstr Asqar Mamınge saýal joldady, dep habarlaıdy «Adyrna» tilshisi.
Nazarlaryńyzǵa depýtattyq saýaldyń tolyq mátinin usynamyz.
Bizdiń depýtattyq saýal
Qazaqstan Respýblıkasy
Premer-Mınıstri
Asqar Mamınge joldanady
Qazaqstan Respýblıkasynyń basty qundylyǵy adam jáne adamnyń ómiri. Osy turǵyda, «Nur-Otan» partııasynyń saılaýaldy baǵdarlamasynda «Otbasyn qoldaý jáne nyǵaıtý – elimizdiń tabysty damýynyń kepili» dep aıqyndalǵan.
Ókinishke oraı, Qazaqstan tórtkúl dúnıede sýııdten aldyńǵy qatarlardyń birinde!
Resmı málimetterge súıensek, 2020 jyly 3526 sýııd jaǵdaılary tirkelgen, onyń ishinde 144 - jasóspirimder. Sonymen qatar, osy bir jylda, 4855 óz-ózine qol jumsaýǵa talpyný jaǵdaılary tirkelgen.
Bul máseleniń ýshyǵyp ketýiniń sebebi, Elimizdiń Dástúrli januıa ınstıtýty syrttan qııamet-qaıym qysymǵa ushyraýda! Atalǵan problema Qazaqstannyń eń basty gýmanıtarlyq máselesi deńgeıine kóterilýde.
Úkimettegi mınıstrlikter, atap aıtqanda Qazaqstan Respýblıkasynyń Bilim jáne ǵylym mınıstrligi, Eńbek jáne halyqty áleýmettik qorǵaý, Aqparat jáne qoǵamdyq damý mınıstrligi, Ishki ister mınıstrligi vedomstvoaralyq ózara úılestirýdi kúsheıtý jáne jaýapkershilikti arttyrý arqyly atalǵan suraqtyń ońtaıly sheshimine qol jetkizý tıis dep esepteımiz.
Búginde, jahandaný proesterinen týyndaǵan aqparattar leginiń eselep ósýine baılanysty, halqymyzdyń rýhanı kodyn saqtaý, bala tárbıeleýdiń ulttyq formaty deformaııaǵa ushyrap barady. Adamdy, dástúrli januıa ınstıtýtyn qorǵaıtyn ýaqyt jetti, bul kezek kúttirmeıtin mańyzdy másele! Sondyqtan, Ókimet «Nur-Otan» partııasynyń saılaýaldy baǵdarlamasynyń «Baqytty otbasy» pýnktin is-júzine asyrǵan kezde myna máselege tereń nazar aýdarýy qajet!
1. Jasóspirimder arasyndaǵy sýııdtiń aldyn-alý jáne boldyrmaýdyń keshendi júıesin qalyptastyrý óte mańyzdy!
2. Azamattarǵa keshendi psıhologııalyq kómek kórsetý tetigin jaqsartý, sonymen birge, ata-analarǵa quqyqtyq, rýhanı, ádistemelik qoldaý kórsetetin «Januıany qoldaý ortalyqtary» ınstıtýtyn qura otyryp, ata-anany qoldaý tetikterin qarastyrý óte ózekti!
Bul rette balalardy qazirgi ýaqyttyń talabyna saı tehnologııalyq baǵytqa erekshe den qoıa otyryp, ulttyq dástúrli qundylyqtar aıasynda oqýshylardyń adamgershiligi men moraldik kelbetin qalyptastyra otyryp tárbıeleý, balalar men ata-analarǵa qıyn joldan birlesip shyǵýǵa jol kórsetý máselesi aldyńǵy qatarda bolýy qajet.
3. Azamattardyń óziniń ata-analyq mıssııasyn tolyqqandy oryndaýyna jaǵdaı jasaý maqsatynda Eńbek kodeksiniń baptary naqty oryndalýy basty mindet!
Memlekettik qyzmettegi, iri kásiporyndarda eńbek etetin ata-analar keshki 18.00-de jumysta qalmaýy qajet!
Ata-analardyń bala tárbıeleýge ýaqyty, jaýapkershiligi jáne qaýqary bolýy tıis!
4. Pedagogtardyń jáne ata-ananyń balabaqsha, mektep jasyndaǵy balalardy ulttyq qundylyq aıasynda tárbıeleý fýnkııasyn keńeıtken abzal. Osy oraıda, balalardy tárbıeleýdegi mektep pen ata-analardyń birlesken jaýapkershiligin arttyratyn jańa formatqa kóshý óte mańyzdy.
5. Psıhologııa salasynda mektepke deıingi, mektep kezeńindegi ádistemelik quraldar men oqýlyqtarǵa adamnyń ómir súrý fılosofııasy, gýmanıstik qundylyqtardyń mańyzy týraly aqparat engizý, ata-analardyń bala taǵdyryndaǵy asa mańyzdy rólin arttyrý ózekti. Psıhologtardyń kásibı daıyndyǵynyń bilim berý baǵdarlamalarynyń mazmunyn jetildirý qajet.
6. Qazaqstan Respýblıkasynyń Bilim jáne Ǵylym mınıstrligi balalardyń durys jáne turaqty psıhoemoıonaldyq jan-jaqty damýynyń mazmundy biryńǵaı baǵdarlamalaryn ázirleýin qolǵa alǵany abzal.
7. Jumys istep turǵan Keshendi psıhologııalyq qyzmetterdiń tıimdiligin arttyryp, olardyń jumysyna qoǵamdyq monıtorıng jasaı otyryp, baǵyt-baǵdaryn keń aýqymdy qoǵam baqylaýynda ustaǵan jón.
8. Mektepterde ata-analar, muǵalimdermen birlese otyryp, «zorlyq-zombylyqqa tózimsizdik» etıkasyn engizý, balabaqshada, kishi synyptarda býllıngpen kúresý baǵdarlamasyn engizý kezek kúttirmeıtin másele! Bilim berý salasynda psıhologtardyń shtatyn kóbeıtýdi usynamyz!
9. Áleýmettik jelide jasóspirimderdi sýııdke ıtermeleıtin aqparatty tejeýdiń utymdy tetigin qalyptastyrý, táýekeli joǵary balalarǵa aldyn-alý is-sharalaryn jasaýdyń praktıkasyn engizý tetigin qarastyrý ózekti!
Bizdiń adamdardyń ómiri, balalarymyzdyń jarqyn bolashaǵy eń basty aspekt, memleket adamnyń ómirin saqtaý úshin barlyq múmkindikti paıdalanýy qajet!
Osy máselelerdi qarap, naqty sheshimder qabyldap, qaraý nátıjesin zańda kórsetilgen merzimde habarlaýyńyzdy suraımyz.
Qurmetpen, Májilis Depýtattary,
«Nur Otan» partııasy
frakııasynyń músheleri
Erlan Saırov,
Juldyz Súleımenova,
Elnur Beısenbaev
