Áleýmettik jelide ıtti kólikpen súıregen taǵy bir júrgizýshiniń vıdeosy tarady. Beınejazba Instagram jelisindegi Inucobo zoologııalyq qorǵaý uıymynyń paraqshasynda jarııalandy, dep habarlaıdy «Adyrna» tilshisi.
Oqıǵa Aqmola oblysyna qarasty Qoıandy aýylynda bolǵan. Janýar qorǵaýshylarynyń biri bul jaǵdaıdy baıqap qalyp, polıııaǵa aryz bergen.
Aqmola oblystyq polıııa departamenti ıtti kólikpen súıregen adamdy izdep tapty. Ol Qoıandy aýylynyń 37 jastaǵy turǵyny bolyp shyqty. Baspasóz qyzmetiniń habarlaýynsha, er adamǵa qatysty ákimshilik hattama toltyrylǵan.
Aıta keteıik, zańda janýarlardyń jaraqat alýyna nemese ólýine ákeletin kez kelgen qatygezdik úshin aıyptalýshyǵa 120 AEK mólsherinde aıyppul salý qarastyrylǵan.
«Adyrna» ulttyq portaly
