QR Aýyl sharýashylyǵy mınıstrligi Reseıdiń qazaqstandyq qyzanaqtardan vırýs tabyldy degen málimdemesine jaýap berdi. Vedomstvonyń aıtýynsha, bul aqparat shyndyqqa janaspaıdy, dep habarlaıdy «Adyrna» tilshisi.
2020 jyldyń jeltoqsan aıynda veterınarlyq jáne fıtosanıtarlyq qadaǵalaý jónindegi federaldyq qyzmet (Rosselhoznadzor) «Green Capital Kazakhstan», «Green Land Alatau» JShS-niń ónimderinde qyzanaq jemisteriniń qaýipti vırýsy (Tomato brown rugose fruit virus nemese ToBRFV) anyqtalǵandyǵy jáne «Greenhouse-Qaztomat» JShS-gi óndiretin qyzanaqty alyp kelýge shekteý engizgeni týraly habarlama jibergen.
Osyǵan baılanysty QR AShM Agroónerkásiptik keshendegi memlekettik ınspekııa komıteti shuǵyl túrde resmı tekserý uıymdastyrdy.
«Ósimdikter karantıni jónindegi memlekettik ınspektorlar, sondaı-aq «Fıtosanıtarııa» RMK, «Fıtosanıtarlyq dıagnostıka jáne boljamdar ádistemelik ortalyǵy» RMM jáne «Respýblıkalyq ósimdikter karantıni ortalyǵy» MM mamandary PTR-taldaý júrgizý maqsatynda synamalardy alý úshin «Greenhouse-Qaztomat» JShS-de komıssııalyq tekserý júrgizdi.
Taldaý úshin Reseı Federaııasynyń «Búkilreseılik ósimdikter karantıni ortalyǵynyń» jedel testteri qoldanyldy. Yqtımal qateler men kelispeýshilikterdi boldyrmaý úshin zerthanalyq taldaý ádisteri reseılik uıymnyń mamandarymen birge jasaldy. Saraptama qorytyndysy boıynsha «Greenhouse-Qaztomat» JShS ónimderinde ToBRFV vırýstary anyqtalǵan joq»,-dep málimdedi mınıstrlik.
«Adyrna» ulttyq portaly
