Qarjy pıramıdasyn quryp, 152 jábirlenýshiden 90 mln-nan astam qarjy jymqyrǵan alaıaq sottaldy, dep habarlaıdy «Adyrna» tilshisi Ishki ister mınıstrligine silteme jasap.
Qyzylorda qalalyq Polıııa basqarmasynyń tergeý bóliminiń tergeýshisi Nurmaǵanbet Nurboldyń sheberliginiń jáne kúrdeli jumystarynyń nátıjesinde 1982 jyly týylǵan, jumyssyz, buryn sotty bolǵan áıel azamatsha ustaldy. Ol qarjy pıramıdasyn qurý arqyly 152 azamattan 91 mıllıon 496 myń teńgeden astam qarjyny qoldy etken.
Keleńsiz oqıǵa 2019 jyldyń tamyz aıynan bastaý aldy. Ol “WhatsApp” jelisinde “Aı-shýaq” tobyn ashyp, qarjylyq (ınvestıııalyq) pıramıda quryp, oǵan basshylyq jasaǵan. Topqa qosylǵan birinshi qatysýshylar alǵashqy salymdaryn salyp, 40 paıyz ústemesimen óz qarajattaryn qaıtaryp alyp otyrǵany belgili boldy. Jalpy aınalymdaǵy qarjy 1 mlrd 695 mln 538 myń teńgeni quraǵan. Ýaqyt óte kele, artynan kirgen pıramıda qatysýshylaryna, qur ýáde úıip-tógip, kózden tasa bolǵan.
Osy atalǵan derek boıynsha Qazaqstan Respýblıkasynyń Qylmystyq kodeksiniń 217-babynyń 3-bóliginiń 2-tarmaǵymen (Qarjylyq (ınvestıııalyq) pıramıdany qurý jáne oǵan basshylyq etý, asa iri mólsherde aqshany nemese ózge múlikti tarta otyryp jasalǵan) sotqa deıingi tergep-tekserý amaldary júrgizildi.
Qyzylorda qalalyq sotynyń sheshimimen aıyptalýshy bes jylǵa bas bostandyǵynan aıyryldy.
«Adyrna» ulttyq portaly
