Bilim jáne ǵylym mınıstri Ashat Aımaǵambetov zańǵa jańa túzetýler engizdi, dep habarlaıdy «Adyrna» tilshisi. Ol bul týraly Facebook jelisindegi resmı paraqshasynda jazdy.
Aldaǵy ýaqytta stýdentterdiń dýaldy júıesi arqyly bilim alǵan merzimi eńbek ótili retinde esepteletin bolady. Bul túlekterdiń jumysqa aıtarlyqtaı tájirıbemen ornalasý múmkindigin arttyrady.
Sondaı-aq, bekitilgen zańnamaǵa sáıkes ýákiletti organnyń kolledjderde oqý merzimderin belgileýi týraly norma alynyp tastaldy.
«Buǵan deıin biz ár biliktilikter boıynsha bilim alý merzimderin qatań bekitetinbiz. Ortasha eseppen alǵanda, oqý merzimi 2 jyldan 3 jyl 10 aıǵa deıin jalǵasatyn. Endi oqý uzaqtyǵy naqty bilim berý baǵdarlamasyna jáne qajetti oqý nátıjelerine baılanysty bolady. Jańa ózgeristerge sáıkes kolledjder jumys berýshilermen kelise otyryp, kásiptik standarttar nemese naryq talaptary negizinde bilim berý baǵdarlamalaryn ázirleıtin bolady. Keıin ony QR BǴM baǵdarlamalarynyń tizilimine qosyp, soǵan baılanysty kadrlar daıyndaıdy. Osylaısha, jumysshy jáne orta býyn mamandaryn daıarlaýda kolledjderdiń ıkemdiligi arta túsedi»,-dedi mınıstr.
Aımaǵambetov kolledj ókilderi kótergen taǵy bir máseleniń sheshimin tapty. Endi kolledjder aqyly negizde qyzmet kórsetip, oqý-óndiristik sheberhanalarda, sharýashylyqtarda, oqý polıgondarynda daıyndaǵan taýarlaryn sata alady.
«Dánekerleý isi» mamandyǵy boıynsha oqıtyn stýdentter praktıka kezinde temirden sapaly konstrýkııalar jasaıdy, jas kondıterler keremet ónimder pisiredi, qolóner baǵytyndaǵy mamandyqtary boıynsha oqıtyn stýdentter kıizden, keramıkadan, aǵashtan, bylǵarydan, zergerlik buıymdardan avtorlyq buıymdar daıyndaıdy. Biraq onyń bárin sata almaıtyn. Endi olar óz qolymen daıyndaǵan ónimderin (jumystaryn, qyzmetterin) sata alady jáne túsken tabys esebinen sheberhanalar úshin qosymsha shyǵyn materıaldaryn satyp alýyna bolady. Oqý tájirıbesi kezinde stýdentter daıyndaǵan ónimderdi satýǵa ruqsat berý arqyly óndiristik oqytýdyń sapasyn arttyrýǵa bolady. Tutastaı alǵanda, muny kadrlardy daıarlaý sapasyn arttyrý úshin jasalǵan yntalandyrý retinde de qarastyrýǵa bolady”,-dep sózin tolyqtyrdy ol.
«Adyrna» ulttyq portaly
