«Qoǧamdyq pıkır» ǧylymi-zertteu instituty Exit poll nätijesın jariialady, dep habarlaidy «Adyrna» tılşısı «Qazaqstan» Ūlttyq arnasyna sılteme jasap.
Qazaqstannyŋ «Qoǧamdyq pıkır» ǧylymi-zertteu instituty Qazaqstanda ötken Parlament mäjılısı jäne mäslihattar sailauy boiynşa saualnama qorytyndysyn jariialady. İnstitut saualnamanyŋ qatelıgı - 2% şamasynda deidı.
Exit poll qorytyndyǧa süiensek, Nur Otan partiiasy - 71,97%, AqJol partiiasy - 10,18%, Adal partiiasy - 3,7%, Auyl partiiasy - 5,75%, Qazaqstannyŋ halyq partiiasy sailauşylardyŋ 9,3% dauysyn jinaǧan.
«Qoǧamdyq pıkır» ǧylymi-zertteu institutynyŋ direktory Ainūr Mäjitova habarlaǧandai, institut qyzmetkerlerı 600 sailau uchaskesınde saualnama jürgızgen. Saualnamaǧa şamamen 24 myŋ adam qatysqan.
«Saualnamaǧa qatysqan azamattarǧa bır sūraq - «Qazaqstan Respublikasy Parlamenttık sailauynda qai partiiaǧa dausy berdıŋız?» sūraq qoidyq. Exit poll-dyŋ nätijelerı. Sailauşylardyŋ 9,3% Qazaqstannyŋ halyq partiiasyna, 71,97% Nur Otan partiiasyna, 5,75% Auyl partiiasyna, 10,18% AqJol partiiasyna, 3,7% Adal partiiasyna dauys bergenderın aitqan», - dep habarlady Ainür Mäjıtova.Esterıŋızge sala keteiık, osy partiialar barlyǧy 312 adamdy Mäjılıs deputattyǧyna ümıtker retınde ūsynyp otyr. Onyŋ ışınde Auyl – 19, Nur Otan– 126, Adal– 16, AqJol – 38, Qazaqstan halyq partiiasy 113 adamdy ümıtker etken.
«Adyrna» ūlttyq portaly
