23 jastaǧy täjık qyzy First Night («Alǧaşqy tün») halyqaralyq onlain-auksion arqyly päktıgın 10 myŋ dollarǧa satatynyn mälımdedı, dep jazady «Adyrna» ūlttyq portaly kznews.kz. saityna sılteme jasap.
Būl platformada älemnıŋ är tükpırınen boijetkender «alǧaşqy tünın» däulettı erkekterge satady.
Duşanbelık boijetken Ozodi radiosynyŋ tılşısıne otbasyndaǧy qarjylyq qiyndyqqa bailanysty päktıgın satyp, tuǧandaryna kömektesuge bel buǧanyn aitady.
Onlain-auksionda Ortalyq Aziiadan şyqqan boijetkenderdıŋ loty öte köp. Täjıkstan men Türkımenstannan äzırge bıreuden. Mūsylman elderınen köptegen İran boijetkenı şetel azamattaryna tūrmysqa şyqqysy keledı.
Auksionda päktık qūny 3 myŋnan 1 mln dollarǧa deiın baǧalanǧan. Marşall araldaryndaǧy kompaniia dep tırkelgen «Alǧaşqy tün» saitynyŋ qūryltaişylary özıne eşqandai jauapkerşılık almaitynyn jariialaǧan.
Sait ökılınıŋ sözınşe, kelısım «satuşy men satyp aluşy» arasynda jüredı. Täjıkstandaǧy «Femida» ūiymynyŋ jetekşısı Sanoat Solieva joǧarydaǧy täjık qyzynyŋ ıs-äreketı Täjıkstan zaŋdary boiynşa zaŋ būzuşylyq bolyp sanalmaidy deidı.
«Täjıkstan zaŋdary mūndai ıs-äreketke rūqsat bermeidı de, tyiym salmaidy da. Bıraq būl ar-ūjdan jaǧynan bızdıŋ mentalitke qaişy. Täjık qyzdary tūrmysqa şyqqanşa, päktıgın, aryn saqtauy tiıs. Özımnıŋ täjıribemnen täjık qyzdary osyndai qadamǧa bardy degendı bırınşı ret estıp tūrmyn», — deidı Sanoat Solieva.
Osynau aqparatqa bailanysty "Adyrna" ūlttyq portaly özımızdıŋ qaraközderdıŋ bırneşeuıne sūrau salyp, pıkırın bıldı. Bızben tıldesken qyzdar aty-jönderın özgertudı sūrady. Sonymen päktıgın saudalauǧa qatysty qazaq qyzdarynyŋ közqarasy qandai?JOO-nyŋ 2 kurs studentı Aiǧanym: "Jalpy, qyz päktıgı degendı maŋyzdy mäselege ainaldyrudyŋ qajetı joq dep sanaimyn. Päk bolyp tūrmys qūrǧan qyzdarymyzdyŋ qadırıne jetken erkek öte az ǧoi. Ne kerek sol päktık degen? Aqylsyz erkekterge päktıktı sata salǧan jön. Al senımen şynymen otbasyn qūrǧysy keletın erkek päktıgıŋe qaramaidy dep oilaimyn",-deidı. Ekı balanyŋ anasy Gülşat: "Masqara, ūiat jaǧdai ǧoi päktıgın satu degen. Aq nekege adal kelmegen qyzdyŋ keiın qandai qadırı bolady? Qazaq qyzy aryn, ūiatyn biık ūstauǧa tiıs. Mūndai päktıktı satu degenge qarsymyn!Būl tıptı, mūsylmanǧa jat dünie ǧoi. Mūsylman qyz qardai appaq, kırşıksız taza boluy kerek"-degen pıkırde. Bızben äŋgımesınde Aiaulym: "Ärkım özı bıledı ǧoi, ne ıstese de. Päktık degen närsenı qyzdan talap etsek, erkekten de sondai adaldyq talap etılsın. Mūnyŋ bärı eskı zamannyŋ sarqynşaqtary dep qaraimyn",-deidı. Osy mäselege bailanysty jıgıtterımız ne der eken? "Qoǧamnyŋ azǧyndanuy būl. Nekege deiın etegın kötergen qyzdan qandai adal äiel şyǧady? Menıŋşe, özın syilaityn erkek tek päk qyzǧa üilenuı kerek. Päktıgın satqan qyz basqany da satady",-dep renışın bıldırdı Maqsat esımdı sūhbattasymyz. Al magistrant Erjan Baibölek: "Adaldyq äldebır päktıkpen ölşenbeidı. Päktıgı joq qyzdyŋ bärı adal emes degenmen kelıspeimın. Eŋ aldymen jıgıtter özımız üşın jauap bereiıkşı. Otbasylyq baqytty osyndai ūsaq ūstanymmen qūrtatyndar az emes. Topastyq der edım mūny. Päk qyzdy köşeden alyp qaşyp üilenetın jıgıtter bar. Osylai jabaiylyqpen üilenıp, päk qyzdyŋ ömırın talqan etudı de aitu kerek qoi, eŋ aldymen",-deidı. "Alǧan jarym adal şyqpasa, talaq etuden taiynbaimyn",-deidı Mūsa atty oqyrman. Qalai desek te, būl mäsele älı talai jyl talqydan tüspeitını sözsız. Adaldyqtyŋ ölşemın ajyratu üşın qazaq qoǧamyna uaqyt kerek ekenı anyq.
Mūqaş MŪRATŪLY,
"Adyrna" ūlttyq portaly.
Foto aşyq derekközden alyndy.
