Búgin qazaqtyń uly perzenti, dańqty qolbasshy, áskerı qaıratker, jazýshy, ar-namysty arqalaǵan rýhty batyr Baýyrjan Momyshulynyń týǵanyna 110 jyl tolyp otyr!
Baýyrjan atamyzdyń tula boıyndaǵy naǵyz joǵary patrıottyq rýh, sheshim qabyldaýdaǵy senimdilik, danalyq pen parasattylyq kópke ónege bolýy tıis!
Tilge júırik, sózge sheshen has batyrymyzdyń mirdiń oǵyndaı nysanaǵa dál tıgizer ónegeli sózderi árbireýimizdi shabyttandyryp, rýh berýi qajet!
* Namysty nanǵa satpa.
* Óz ultyn syılamaý, ony maqtanysh etpeý - satqyndyq.
* Erlik - eldiń qasıeti, júrektilik - jigittiń qasıeti.
* Til - ult qasıetin aıqyndaıtyn belgi, ulttyq salt-sana ózegi.
* Til - eldiń eldiginiń, onyń ǵylymy men mádenıetiniń, ónerkásibiniń, qoǵamdyq qurylysynyń, salt-sanasynyń, jaýyngerlik dástúriniń, ulttyq murasynyń qaı dárejede ekenin bildirip turatyn kórsetkish.
* Ana tilimizge mán bermeýshilik, ony qurmettemeý - shynaıy patrıottar tárbıeleý jumysyna úlken zııan.
* Qazaq tili esh ýaqytta ózimen kórshi halyqtardyń tilderinen sorly bolyp, qatardan qalmaǵany, óz sybaǵasyn eshkimge jibermegendigine myń jyldyq kóne tarıh kýá.
* Anamyzdyń aq sútimen boıymyzǵa daryǵan ana tilimizdi umytý - búkil ata-babamyzdy, bar tarıhymyzdy umytý.
* Órshil rýhtan - ólmes erlik týady.
* Jerge - ter tógip, halyqqa - qan tógip qyzmet etýden taısalma!
Daıyndaǵan Zarına Áshirbekova
