Bir oıym bylaı deıdi. Az ýaqyt buryn 31 arnadaǵy "Nege?" baǵdarlamasynda ár partııanyń ókili aıtysyp, stakan ushty. Tóbeles te boldy. Negizi biraz shyndyq ta aıtyldy. Búkil el estidi. Biraq ne ózgerdi?..
Feısbýkte talaı dúnıe jazyldy. Qozǵalmaǵan taqyryp joq qoı bizde. Bizdiń elde barlyǵy bárin biledi negizi. Bul aksıoma. "Men bilmeıdi ekenmin. Oıpyrmaı á! Solaı ma edi?" dep birde bir qazaq aıta almaıdy.
Sonda biz keshe partııa spıkerlerinen ne kúttik?.. Bárimiz biletin dúnıelerdi taǵy bir ret qaıtalap aıtyp-aıtyp tastashy degendi kúttik pe?.. Eń qyzyǵy ol ne beretin edi?.. Ary ketse feısbýkte post jazar edik. "Oı keremet", “Mynaýyń azamat eken”der edik. Standartnyı reakııalar ǵoı baıaǵy. Laık, koment taǵysyn taǵy. Onyń ózin keıbireýler bólisýge de qorqar edi. Al, shýladyq! Sodan ne bolar edi?.. Eshteńe.
Debat, aıtylǵan oı rezonans týdyryp, áser etetin qoǵamdar bolady. Menińshe biz ondaı "Oıbaı, pálenshe aıtty ǵoı" dep ózgeris jasaıtyn qoǵam emespiz. Etimiz úırenip ketti ári bárin bilsek te pálenshe men túgensheniń aýzy qaıtalap aıta berse eken dep turatyn túsiniksiz bir sanasynda travmasy bar elmiz.
Al, aıtty delik. Ne isteıtin ediń?.. Laık, koment, posttan basqa? Eshteńe istemeıtin ediń. Bul aksıoma! Isteıtin bolsań bilmeı júrgen dúnıeń bar ma edi osy ýaqytqa deıin? Bárin bilesiń ǵoı. Álde bilmeısiń be?.. Sen onsyz da biletin dúnıelerdi qaıtalap qashanǵy aıqaılaı berýi kerek belgili bir adamdar?
Negizi bári qoǵamnan shyǵady. Bári ózimizge saı. Bir-birimizge laıyqtymyz.
