«ADAL» partııasynyń saılaý aldyndaǵy ýádeleri nelikten umytylmaıdy?

2013
Adyrna.kz Telegram

«ADAL» partııasynyń ekonomıkalyq sektorlaryn damytýdyń jańa ıdeıalary, halyqtyń ártúrli sanattaryn qoldaý jónindegi usynystary, kópshilikti tolǵandyratyn ózekti problemalar - munyń barlyǵy 14 jeltoqsan kúni partııadan Májilis depýtattyǵyna kandıdattar ótkizgen kezdesýler barysynda talqylandy.

Búgin Pavlodar oblysynda birqatar kezdesýler ótti. Olardyń kópshiligi kóshe boılarynda jáne saýda oryndarynda uıymdastyryldy. Máselen, Shiderti aýylynda bolǵan Oljas Ordabaev pen Aqmaral Bekmyrzaeva baǵdarlamanyń negizgi tarmaqtaryn kórsetip, partııanyń jalpy ıdeologııasy men qundylyqtary týraly sóz qozǵady.

Aýyl turǵyndary naýqastardyń dári-dármekpen ýaqytyly qamtamasyz etilmeýi, sondaı-aq jaıylymdyq jerdiń joqtyǵy syndy birneshe máselemen shaǵymdandy.

Oljas Ordabaev bul máseleler partııanyń baqylaýyna alynatyndyǵyna sendirdi.

Ekibastuz qalasy turǵyndarynyń arasynda problemaly nesıeleri bar kásipkerler kóp eken. Aqmaral Bekmyrzaeva partııanyń osyndaı nesıelerge jappaı raqymshylyq jasaý týraly usynysy týraly aıtty.

Kezdesý barysynda Oljas Ordabaev elimizdiń árbir turǵyny partııanyń veb-saıty arqyly kez-kelgen aımaqty damytý boıynsha óz usynystaryn engizýge, eldi mekenderdiń bıýdjetteri týraly aqparat alýǵa jáne t.b. múmkindikteri bar ekenin jetkizdi. Al ondaǵy kóp balaly analardyń biri  qoldanystaǵy kásibiniń keńeıtý joldaryn surady. Spıker partııa bul máselelermen kóp balaly otbasylardyń paıdasyna jumys istep jatqandyǵyn basa aıtty. «Árbir kóp balaly áıel tek AÁK-ke senip qana qoımaı, óz bıznesin damyta túsýi kerek, bul úshin partııanyń naqty usynystary bar jáne adamdarǵa kásipkerlik mehanızmderin júzege asyrýǵa kómektesýge daıyn», - dedi Oljas Ordabaev.

Aqsý qalasynyń turǵyndary bilim sapasyn arttyrý jáne kásiptik baǵdar berýde kómek kórsetý máselelerin kóterdi. Úmitkerler saıtta stýdentterge bilimderin tekserýge jáne ýnıversıtet tańdaý týraly sheshim qabyldaýǵa kómektesetin qyzmet bar ekenin aıtty.

Odan ári kezdesý Kóktóbe aýylynda jalǵasty. Sondaı-aq partııa baǵdarlamasyn belsendi talqylaý boldy.

Kezdesýler sońynda depýtattyqqa kandıdattar ár azamattyń pikiri, onyń ótinishteri partııa úshin mańyzdy ekenin basa aıtty. Osynyń arqasynda mindetter qalyptasady jáne olardy sheshý tetikteri túziledi.

Almaty oblysynda búgin depýtattyqqa kandıdat Lazzat Shyńǵysbaevanyń halyqpen kezdesýleri jalǵasty. Ol Túımebaev aýylynyń Ashybulaq aýyldyq okrýginde shege shyǵaratyn zaýyt jumysshylarymen kezdesip, Ótegen batyr jáne Qapshaǵaı qalasynyń turǵyndarymen áńgimelesti.

Lazzat Shyńǵysbaeva, atap aıtqanda, resmı saıttyń kómegimen ADAL partııasy aımaqtar turǵyndarynyń barlyq máselelerinen habardar ekenin aıtty. Turǵyndar eldi mekenderdi abattandyrý máselelerin kóterip, ADAL partııasynyń basymdyqtaryn qoldaıtyndyqtaryn bildirdi.

Keıbir turǵyndar partııanyń saılaý aldyndaǵy ýádelerdi umytyp ketýi múmkin ekenin eskertti. Biraq Lazzat Shyńǵysbaeva "ADAL" partııasynan depýtattyqqa úmitkerlerdiń barlyǵy saılaýshylary úshin kóp nárse jasaıdy dep senimmen jaýap berdi, óıtkeni komanda myqty ári jigerli jastardan quralǵan. "Ár kandıdat óz salasynyń mamany jáne depýtat bolmasa da, qoǵam úshin ártúrli úlken, meıirimdi, mańyzdy ister jasap júr", - dedi kandıdat.

Shymkent qalasynda jergilikti turǵyndarmen kezdesý ótti, oǵan "ADAL" partııasynan QR Parlamenti Májilisine depýtattyqqa kandıdattar Maqsat Tolyqbaı men Almasbek Sadyrbaevqatysty.

Maqsat Tolyqbaı partııa baǵdarlamasy týraly aıtyp berdi. Suraqtarǵa jaýap bere otyryp, ol partııa baǵdarlamasynda medıına máseleleri qarastyrylǵanyn eske salyp, "Bizdiń medıına tegin bolýy tıis. Pandemııa kezinde ne boldy? Siz sapany kórdińiz be? Biz jedel járdem kúte almadyq. Biraq densaýlyq bárine qajet. Bundaı júıe durys emes. Medıına tegin bolýy tıis",- dedi. Maqsat Tolyqbaı baǵdarlamada nesıeleý jáne paıyzdyq mólsherlemeni tómendetý máseleleri de qarastyrylǵanyn aıtty. Ol atap ótkendeı, biz Parlamentke ótemiz be, joq pa, úgit-nasıhat kezeńi aıaqtalǵannan keıin mınıstrliktermen jáne ákimdiktermen birlesip jobalyq keńseler qurylady. Olar partııa baǵdarlamasyn júzege asyrý úshin belsendi jumys isteıtin bolady.

QR Parlamenti Májilisiniń depýtattyǵyna taǵy bir kandıdat Ardaq Nazarov bilim berý baǵdarlamasyna jańashyldyq engizý qajettigin eske saldy. Ol mańyzdy tezısti aıtty – sport mektep tártibi deńgeıinde toqtamaı, joǵary deńgeıde damýy kerek.

Fermerlermen kezdesý barysynda Almasbek Sadyrbaev AÓK pen bıznesti qoldaý sharalary týraly aıtyp berdi.

Ardaq Nazarov Jambyl oblysynyń Taraz qalasynda kezdesýler ótkizdi.

Taraz qalasynyń "Taraz-Ǵasyr" kolledjinde jastarmen kezdesýlerdiń biri ótkizildi. Ardaq Nazarov ózi týraly, balalyq shaǵy, sporttyq mansabyn qalaı bastaǵany týraly aıtyp berdi. "Bala kezimizde biz jaqsy jaǵdaıda ómir súrmegenimizge qaramastan, men synǵan joqpyn, jaman jolmen júrmedim. Menińshe, bul mańyzdy. Eńbekqor bolý mańyzdy. Tek eńbek arqyly ǵana tabys pen molshylyqqa qol jetkizýge bolady", - dep atap ótti ol.

"ADAL" partııasynan Májilis depýtattyǵyna kandıdat partııalyq baǵdarlamanyń basymdyqtary týraly da aıtyp berdi. Aımaq jastarynyń jeke turǵyn úıi, sportta ózin-ózi damytý jáne sporttyq ınfraqurylymdy jaqsartý týraly oılaıtynyn bile otyryp, Ardaq Nazarov baǵdarlamanyń osy baǵyttarǵa arnalǵan tarmaqtary týraly egjeı-tegjeıli aıtyp berdi.

Ol: "Árıne, bárin ózim ózgerte almasam da, men osy jas partııaǵa kirip, barlyq bilimimdi jumsap, jaqsy baǵdarlamaǵa ıe bola otyryp, ónimdi nátıjelerge qol jetkizemin", - dep sendirdi.

Anyqtama:

2013 jyly Qazaqstanda «Birlik» saıası partııasy quryldy. Partııa tóraǵasy Serik Sultanǵalı.

2020 jyldyń 5 qarashasynda «Birlik» ataýyn «ADAL» ( «adaldyq»).

Partııanyń Saıası keńesi músheleriniń quramynda:

Serik Sultanǵalı, Eldar Jumaǵazıev, Ardaq Nazarov, Alına Asqarova, Maqsat Tolyqbaı, Almasbek Sadyrbaev, Dáýlet Muqaev, Oljas Ordabaev, Igor Shakıı, Laýra Malıkova, Lazzat Shyńǵysbaeva, Jıgýlı Daırabaev, Ǵalymbek Jaqsylyqov, Aqmaral Bekmýrzaeva, Nurlybek Málelov, Ǵanı Abadan.

 

Pikirler