«Aqyndar aýyldy jyrlaıdy» atty ádebı-poetıkalyq keshi ótti

1250

            2020 jyldyń 14 jeltoqsany Nur-Sultan qalasynda «Aqyndar aýyldy jyrlaıdy» atty ádebı-poetıkalyq keshi ótti. Is-sharaǵa «Aýyl» Halyqtyq-demokratııalyq patrıottyq partııasynyń tóraǵasy Álı Bektaev, Qazaqstan Respýblıkasy Parlamenti Májilisiniń depýtattyǵyna kandıdattar Dáýletkereı Kápuly men Zeıin Álipbek qatysty.

Sonymen qatar, rýhanı keshke partııanyń 2017 jyldan beri jyl saıyn ótkizip kele jatqan «Aýylym - altyn tuǵyrym» onlaın-baıqaýynyń jeńimpazdary men qatysýshylary da jınaldy. Atalǵan baıqaýdyń basty maqsaty - ulttyq qundylyqtardy dáripteý jáne aýyldyń rýhanı ómirin, tynys-tirshiligin, aýylda bolyp jatqan áleýmettik-ekonomıkalyq proesterdi sıpattaý arqyly ulttyq qundylyqtardy nasıhattaý.

Konkýrs 2017-2020 jyldary arasynda 4 ret ótkizilip, myńnan astam esse, óleńder men dramalar partııa qorjynyna túsken bolatyn. Solardyń barlyǵy 12 tomdyq jınaqqa kirip, kitap bolyp jaryq kórdi.

Kesh barysynda sóz alǵan partııa tóraǵasy Álı Bektaev: «Aýyl taqyryby – eshqashan taýsylmaıtyn, esh shekarasy joq, eshteńemen shektelmeıtin kúrdeli taqyryp ekenine kózimiz jete tústi. Aýyldyń qasıeti men kıesin kórsetýdiń jaqsy bir joly – ádebı konkýrstar arqyly dáripteý ekeni belgili. Aýyl taqyrybyn sóz etken eń myqty shyǵarmalarǵa onlaın baıqaý jarııaladyq. Poezııa, proza, drama danrlary boıynsha ótken baıqaýǵa elge tanymal aqyn-jazýshylar qazylyq etti. Bul ıgi bastama dástúrge aınalyp, jyl saıyn ótkizilip keledi. Sol arqyly el arasynan qanshama myqty jas talanttar jaryqqa shyqty», - dep atap ótti.

Aqyn, ádebıettanýshy Dáýletkereı Kápulynyń aıtýynsha, ulttyq negiz, ulttyq bolmys haqyndaǵy tolǵamnyń kórinisin aqyn-jazýshylardyń shyǵarmasynan kerýge bolady. Qazaqtyń sóz óneri yqylym zamandardan qalyptasyp, rýhanı negizimizge aınalyp, ult retindegi tanym-túsinikten, bolmys-bitimnen, tutastyqtan esh ýaqytta ajyramaı keldi. Jyraýlardyń tolǵaýlary, jyrshylardyń tókpesi, tipti kúıshilerdiń saýsaǵynan tógilgen kúmbirli kúıdiń ózinde ulttyq nár, ulttyq boıaý, ulttyq saryn men ulttyq qundylyq ajyramaı, birtutas, úndesip turady.

Onyń oıynsha, qazaq halqynyń bir ereksheligi onyń ulttyq bolmysy men turmys-tirshiligi, ult retindegi salt-sanasy, dúnıetanymy, tipten oılaý júıesi, is-áreketi de bir-birimen astasyp, sabaqtasyp jatqandyǵynda.

– Dál  qazir, joǵary tehnologııalyq zaman ornap, ýrbanızaııa sharyqtap jatqanda óskeleń urpaqqa ulttyq erekshelikterimizdi umyttyrmaýymyz kerek. Osyǵan oraı ult uıytqysy – aýylda saqtalǵan qazaqy bolmysymyzdy qala jastaryna jetkizip, olardyń sanasyna tereń sińdirýimiz kerek. Tek solaı ǵana «Aýyl» partııasy saılaýaldy baǵdarlamasynda aıtylǵan ulttyq ıdeologııany negizge alyp, tamyrymyzdan ajyramaı jańa qoǵam qurýǵa múmkindik týady, - dep túıindedi Dáýletkereı Kápuly.

Poezııalyq kesh barasynda Á. Serikbaı, T. Mergenbaı, Á. Dúısenbaı, R. Qabıdollın, A. Aqjigit. K. Aıtbaev qatarly aqyndar Táýelsizdik kúnine arnalǵan jyrlaryn oqydy.

Ózge de aqyndar óleńderin oqyp, ánshiler dombyrada ánmen shashý shashty.

Jas aqyn-jazýshylar partııa qataryn tolyqtyryp, múshelikke ótti.

Qorytyndy sóz alǵan jazýshy Tóken Áljantegi «Men osy kúnge deıin birde bir partııaǵa múshe bolǵan emespin. Alaıda, «Aýyl» partııasynyń atqaryp jatqan irgeli isterin, ulanqaıyr sharýalaryn kórip, óz rızashylyǵymdy jasyra almadym. Eldiń ózegi bolǵan aýyldardyń muń-muqtajyn, qajetin joǵaryǵa jetkizip, qazirgi mańyzdy taqyryptardyń birine aınalǵan aýyl taǵdyry úshin jasap jatqan jumystaryńyzǵa tek qana sáttilik tileımin!», dedi.

Pikirler
Redakııa tańdaýy