Bojko qazaqtyń jerine qatysty búı depti

10714
Adyrna.kz Telegram

Eki kúnnen beri reseılik sheneýniktiń «Qazaqtyń jeri bolmaǵan» degen sózi úshin qazaq qoǵamy dúrligip jatyr. Basqa-basqa, qazaqtyń jeri bolmady deý eń aldymen, árıne tarıhqa jasalǵan qııanat. Ekinshiden, bul sózdi basqa emes, kórshi eldiń depýtatynyń aıtýy beker emesi anyq. Osyǵan baılanysty, keshe kúni boıy qoǵam bizdegi Assambleıa ókilderinen, Qazaqstandaǵy orys ulty ókilderinen salmaqty dúnıe aıtar dep kútkeni ras. Búgin Vladımır Bojko «oıanyp», «eki kún ınternetke kirmedim, karantınde oqshaýlaýda boldym» dep sóziniń álqıssasyn bastapty.

«Reseı Federaııasy Dýmasynyń qatardaǵy depýtaty Nıkonovtyń «Reseı Qazaqstanǵa jerdi syılyqqa berdi» degen málimdemesine qatysty Qazaqstannyń SIM notasyn joldady. Tarıhqa qyzyǵýshylyq tanytatyn kez-kelgen adam kim jáne qaı aýmaqta jáne qaı ýaqytta ómir súrgenin kórsete alady. Qazaqstannyń aýmaqtyq tutastyǵyna jáne onyń shekarasyna kúmán keltirýge tyrysqan kóptegen qaıratkerler paıda bolǵan 1991-95 jyldardaǵy rýhynyń ıisin sol kezdiń ózinde-aq sezindi.

Maǵan jáne UQK-niń basqa da birqatar qyzmetkerlerine sol kezden bastap ultaralyq arazdyqty qozdyrýǵa tyrysqan separatıstik kózqarastarymen, keıbir aýmaqtardy bólýge nemese eń bolmaǵanda, olardyń Qazaqstanǵa qatystylyǵyna kúmán keltirýge tyrysqan adamdarmen aınalysýǵa týra keldi.

Osyndaı áreketteri úshin sot úkimimen Kazımırchýk jáne onyń ShQO-da jumys istegen toby, Kókshetaý qalasyndaǵy Antoshko toby naqty túrmege jabyldy. Reseıdiń FSB-men birge belgili Lımonov pen onyń ulttyq bolshevıktik partııasynyń keıbir músheleriniń bizdiń aýmaqta "ekinshi Reseı"dep atalatyn áreketti qurýǵa nıetti áreketteri toqtatyldy.

Osy oqıǵalardan keıin UQK profılaktıkalyq jedel is-sharalardyń úlken kesheni barysynda , onyń ishinde qajet bolǵan jaǵdaıda jáne Reseıdiń arnaıy qyzmetteriniń kómegimen bizdiń shekaralarymyzben oınaǵysy keletinderdi jáne ultaralyq alaýyzdyqty órshitetinderdi qatty sezindi. Sondyqtan da 25 jyl boıy bizde tynyshtyq boldy jáne biz barlyq kúsh-jigerimizben jáne búkil qoǵammen bizdiń elimizdegi barlyq azamattardyń beıbitshiligi men kelisimin saqtadyq jáne bul úshin bizdiń Otanymyzdyń patrıoty bolyp tabylatyn, onyń egemendigi men aýmaǵynyń qol suǵylmaýshylyǵyn qorǵaıtyn Qazaqstannyń slavıandarynyń da sińirgen eńbegi zor.

Menińshe, Qazaqstannyń SIM notasy men meniń dosym senator Muhtar Qul-Muhammedtiń málimdemesi jáne bizdiń kóptegen azamattarymyzdyń ótkir reakııasy Nıkonov myrzaǵa jáne basqalarǵa memleketaralyq qarym-qatynastarǵa áser etetin sezimtal máseleler olardyń reıtıngterin kóterý maqsatynda túrli shoýlar sheńberi  úshin sóz etetin taqyryp emes. Bul másele Qazaqstan men Reseıdiń strategııalyq seriktestik qatynastarynyń irgetasy ekenin uǵynýǵa kómektesedi. Bul qatynastardy qorǵaý kerek».

P.S Jaıshylyqta ústeldi toqpaqtap, aıtaryn qaımyqpaı jetkizetin Bojko myrzanyń alystan oraǵytyp, ne aıtqysy kelgenin reseılik áriptesi Nıkonovtyń da uǵa qoıýy ekitalaı-aý. «Nıkonov, bos sandalma! Qazaqtyń qazirgi ulan-ǵaıyr jeri babasynyń qanymen, atasynyń janymen urpaqqa mıras bolǵan! Qazaqtyń jeri keshe de boldy, búgin de bar, erteń de bolady!» dep kúrkirep, kesimdi sóz aıtady-aý dep kútken Bojkomyz sóziniń shýdasyn biraz jerge deıin súırepti. Bar basymdyqty Reseı men Qazaqstan arasyndaǵy qatynasty saqtaý kerek degenge bergen Bojko bulaı dese, basqasynan ne kútersiz?

 

«Adyrna» ulttyq portaly.  

Foto ashyq derekkózden alyndy.

Pikirler