Órtten qaza tapqan 5 qyzdyń ata-anasy Evgenıı men Janymgúl Sıter uldy boldy. Bul týraly Táńirbergen Berdońǵarov Facebook paraqshasynda jazdy, dep habarlaıdy «Adyrna» tilshisi.
«Órt saldarynan balalarynan aıyrylyp, qaıǵyǵa batqan Sıter otbasyn sábıli bolýymen quttyqtaımyn! Janymgúl aıaǵy aýyr bolǵan kezde kóz tımesin dep bul týraly eshkimge aıtpaýymdy ótingen edi. Búgin olardyń shańyraǵynda qýanyshty jańalyq! Ómirge ul keldi!», – dep jazdy ol.
Beıresmı derekterge súıensek, erli-zaıyptylar nárestege Jan degen esim bergen.
Eske sala keteıik, 2019 jyldyń aqpan aıynda órt saldarynan bir úıdiń 5 balasy kóz jumǵan bolatyn.
«Adyrna» ulttyq portaly
