Bir aıdyń ishinde barlyq partııalar ózderiniń sezderin ótkizdi. 2020 jyldyń 5 qarashasynda «Birlik» partııasynyń saıası keńesi óziniń ataýyn ózgertý týraly sheshim qabyldady. Partııanyń jańa ataýy - «Adal». 2020 jyldyń 11 qarashasynda Qazaqstan kommýnıstik halyq partııasynyń XV kezekten tys sezinde partııanyń rebrendıngi jarııalandy – «Qazaqstan Kommýnıstik Halyq partııasy» ataýyn «Qazaqstannyń halyq partııasy» dep ózgertý týraly sheshim qabyldandy. 18 jáne 25 qarashada «Aýyl» jáne «Nur Otan» partııalary ózderiniń sezderin ótkizdi. 2020 jylǵy 27 qarashada Jalpyulttyq soıal-demokratııalyq partııa (JSDP) saılaýǵa qatyspaıtyny týraly sheshimin jarııalady.
JSDP sezinen keıin saılaý proesine qatysýshy partııalar sany beseý boldy: «Aq jol» Demokratııalyq partııasy, «Aýyl» Halyqtyq-demokratııalyq partııasy, «Adal» partııasy, «Qazaqstannyń halyqtyq partııasy», «Nur Otan» partııasy.
«Qoǵamdyq pikir» zertteý ınstıtýty partııalyq reıtıngterdiń kezekti bólimin usynady. Saýalnama ınstıtýttyń jeke qarajatyna 2020 jyldyń jeltoqsan aıynyń birinshi aptasynda suhbat túrinde (face-to-face) ótkizildi, reprezentatıvti irikteme boıynsha 1200 respondentke saýalnama júrgizildi, qatelik +/- 2,82%-dy qurady. Zertteý geografııasy: Qazaqstan Respýblıkasynyń 14 oblysy, Nur-Sultan, Almaty, Shymkent qalalary.
«Eger saılaý jaqyn jeksenbide ótetin bolsa, onda Siz qaı saıası partııaǵa daýys beretin edińiz?» suraǵyna respondentter kelesi jaýap nusqalaryn berdi: «Nur Otan» - 72,5%, «Aýyl» - 6,0%, «Aq jol» - 5,5%, «QHP» - 4,7%, «Adal» - 2,5%. Respondentterdiń 8,8%-y jaýap berýge qınaldy.
Parlament Májilisiniń saılaýyna bir aı qaldy. 10 qańtardan bastap partııalar halyq arasynda úgit-nasıhat jumystaryn belsendi júrgize bastaıdy, osylaısha aldaǵy aı sheshýshi bolady. Saılaý qarsańynda ótkiziletin saýalnama nátıjelerin qańtardyń basynda jarııalaımyz.
Aınýr Majıtova, «Qoǵamdyq pikir» zertteý ınstıtýtynyń dırektory,
áleýmettik ǵylymdar magıstri
