Aqmola oblysynyń turǵyny, 70 jastaǵy ájeı polıııa qyzmetkerlerine ulyn taýyp bergeni úshin alǵysyn bildirdi. Izdeý jumystaryna ýchaskelik ınspektorlardyń áleýmettik jelilerde taratqan habarlamasy úlken kómek bolypty.
Astrahan aýdanynyń ortalyǵy Astrahanka aýylynda 7 myńǵa jýyq adam turady. Sol sebepti munda úsh birdeı ýchaskelik polıııa ınspektory qyzmet kórsetedi. Adam joǵaldy degen habar túskende olardan bólek aýdandyq polıııa bóliminiń kezekshiliktegi jeke quramy da jumyldyryldy.
«Qarashanyń 25-i kúni kezekshi bólimge Zoıa Abasova esimdi 70 jastaǵy áıel telefon shaldy. «Keshe keshke saǵat 21.00-de ulym Sergeı úıden shyǵyp ketip edi, sodan habar joq. Balyqqa ketti dep estidim. Muz áli bekimegen, sýǵa batyp ketedi ǵoı. Buryn mundaı aıtpaı ketetini joq edi. Úıge de tez oralatyn» dep qatty alańdaýly ana ýaıymyn aıtty. Osynyń aldynda ǵana bizdiń aýdanda 3 balyqshy joǵalyp, biri batyp ketken bolatyn. Ol týraly respýblıkalyq aqparat quraldaryna deıin jazdy», – deıdi Aqmola oblysy Astrahan aýdandyq PB Astrahanka aýyldyq ýchaskelik polıııa ınspektory, polıııa kapıtany Sálimjan Erjanov.
Sodan izdeý jumystaryna kirisip ketken top aýyl turǵyndaryna suraý salyp, onyń dostarynan, Molodejnyı kóshesindegi kórshilerden jaýap alǵan. Áleýmettik jelilerde aýdan halqymen baılanysyp otyratyn toptarǵa da shuǵyl habarlama jibergen. Ózendi jaǵalap, balyqshylar otyrady-aý degen jerlerdi sholyp shyqqan. Kezdesken balyqshylardan suraǵan. Biraq eki kún boıy habar shyqpaıdy.
