Töreǧalidyŋ äkesı batany aqşaǧa satyp alǧan ba?

Änşı Töreǧali Töreälı özınıŋ İnstagram paraqşasynda aǧynan jarylyp, halyqtan süiınşı sūrady dep jazady «Adyrna» ūlttyq portaly. Töreǧali ötken-ketken ömırıne şolu jasap, özınıŋ qazırgı künıne köptıŋ bergen batasy sebep bolǧanyn aitady. "Būl men üşın jäne menıŋ ūlym Törenūr üşın keremet tarihi kün boldy. Alladan sūrap, artyŋnan ergen qarasynyŋ aldynan tek aq kün tuǧanyn kım qalamaĭdy deĭsız?! Ata-ananyŋ qadırın balaly bolsaq ta tolyq bıle almaĭ jürmız ǧoĭ, bıraq būrynǧyǧa qaraǧanda sezınıp kele jatyrmyz endı.. Menıŋ ömırde jetken qandaĭ az-maz jetıstıgımde äuelı Alla sosyn köpşılıktıŋ bergen batasy tūr. Kımnıŋ batasy qabyl ekenın bılmeĭmın anyq, bıraq menıŋ äkem köp bet aşqan kısı. Sol bala kezımde esımde äkem betaşardan soŋ ekı jastan bölek aqşany aiamaĭ berıp tūryp aqsaqaldardan maǧan bata alyp beretın. Auyldaǧy adamdardyŋ yqylasy qandaĭ ǧajap, qabyl bolaryna kümänsız beredı ǧoĭ. Keĭın men Almatyǧa kelgende osy kısılerdeĭ bolsam deĭtın tūlǧalarym boldy. Solardyŋ juan ortasynda Bekbolat aǧa men Mūhammedjan aǧa tūratyn. Alla sätın salyp, būl kısılerdıŋ aldyn körıp, alqasynda boldyq. Talaĭ şalalyq, şalyǧymyzǧa köz jūma qarap, tek qoldau jasaumen keledı. Būl kısıler turaly aragıdık ärtürlı äŋgıme estısem de sengen emespın, sebebı men körgen Bekeŋ men Mūhaŋ men estıgen Mūhaŋ men Bekeŋe eş ūqsamaĭdy. On jyldan asa bır kılt etken kıltipany, sezıktı äreketı bolsa endıgı baĭqar edık qoĭ. Sondyqtan kımge bolsa da jamandaĭ ketıp, jala jabuǧa asyǧa bermeĭmın. Menıŋ ruymdy, tuǧan jerımdı, aĭnalamdy sūrap jatpaĭ-aq bala künnen bauyrǧa basty. Bızben bırge bol degen joq, şaqyrsaq keledı, şaqyrady äkeme erıp men baramyn. Sonymen ne kerek Bekbolat aǧanyŋ osynda ekenın estıp Mūha aǧaǧa habarlasyp, balamnyŋ auzyna tükırtıp, batasyn alyp qaĭttym. Alla bızdıŋ jamanǧa da osyndaĭ ūltyn oĭlap, jūrtyn jaqsylyqqa şaqyryp jüretın ardaqty aǧalardyŋ jolyn näsıp etsın! Sızder äumin dep otyryŋyzdar aǧaĭyn", - dep jazdy Töreǧali Töreälı. Foto aşyq derekközden alyndy.