Qazaqstandaǵy táýelsiz baqylaýshylar úshin engizilgen shekteýlerge AQSh alańdaýshylyq bildiripti. Men muny Baıdenniń jeńisiniń arqasy dep bilemin. Ol tikeleı tapsyrma bermese de elshilikter, mem. departament, basqa da organdar Prezıdent ustanǵan baǵytqa qaraı burynǵy kózqarastaryna korrektırovka jasaıtyny anyq, óıtkeni jańa prezıdent TMD aýmaǵy elderine kóbirek kóńil bóletini aıtylyp qaldy.
Al Tramp jáne onyń ákimshiligi burynǵy TMD elderiniń aýmaǵyn Reseıdiń qaramaǵyna berip qoıǵany belgili. Aıtpasa da jazylmaǵan zań solaı boldy, olar bir-birin kózben uǵysyp, ne qylsań da óziń bil degendeı boldy. Nátıjesinde TMD aýmaǵyndaǵy dıktatorlar bilgenderin jasady, qoldarynan eshkim qaqqan joq.
Shamasy ondaı kúnder aıaqtalatyn sııaqty. Endigi kezekte sol báribir zańsyz ótkeli otyrǵan saılaýdy moıyndamasa degen tilek bar. Árıne, burynnan da ondaı saılaýlardyń talaıy moıyndalmaı, soǵan qaramastan bılik esh qysylmastan burynǵy isterin jalǵastyryp keledi, legıtımdilik degen túsinikti bular moıyndaı qoımaıdy. Kelesi kezekte endi tek legıtımdi emes dep aıtyp qana qoımaı, "Magnıkıı zańy" sııaqty sharalar da alsa deımin. Eýroodaq on jyl boıy talqylap, aqyry "Magnıkıı zańyn" qabyldady. Al bul jerde tek bir-jar adam ǵana emes, búkil qazaqstandyqtardyń adamı quqy buzylǵaly otyr.
