«Junior Eurovision-2020» halyqaralyq än baiqauynda Qazaqstan namysyn qorǧaǧan Qaraqat Başanova ekınşı oryn aldy. Jas änşı «Forever» dep atalatyn ändı şyrqady, dep habarlaidy «Adyrna» tılşısı.
Koronavirus ındetınıŋ taraluyna bailanysty muzykalyq şara onlain formatta jürgızıldı. Bırınşı oryn Fransiianyŋ atynan qatysqan Valentina esımdı önerpazǧa būiyrdy.
Aita keteiık, Qazaqstan «Junior Eurovision» baiqauyna üşınşı ret qatysyp otyr. 2018 jyly Daneliia Töleşova «Özıŋe sen» änımen altynşy orynǧa ie bolsa, ötken jyly otandasymyz Erjan Maksim 2-oryndy qanjyǧasyna bailaǧan edı.
«Adyrna» ūlttyq portaly
