Belgili ánshi Qaırat Nurtastyń jubaıy Juldyz Abdýkarımova «Álem hanymy-2020» baıqaýyna qatyspaq. Bul týraly ol Instagram jelisindegi resmı paraqshasynda jazdy, dep habarlaıdy «Adyrna» ulttyq portaly.
«Qupııany ashatyn ýaqyt keldi. Bıyl “Álem hanymy-2020” baıqaýynda Qazaqstandy tanystyramyn. Bul – syrtqy sulýlyqtyń ǵana emes, ishki qundylyq pen aqyldyń ádemi úılesim taýyp, názik álemdi aıshyqtaı túsetin baıqaý. Basty maqsaty - álemniń ár túkpirindegi áıeldi qoldaý. Pandemııa saldarynan bıyl baıqaý onlaın ótedi. Sondyqtan 1-24 jeltoqsan aralyǵynda saıtta daýys berý júredi. El abyroıy úshin bárimiz birigip jeńiske qadam jasaıyq. Qazaq qyzdary men áıelderiniń tabıǵı sulýlyǵyn álemge moıyndataıyq»,-dedi ol.
Sondaı-aq, Abdýkarımova Qazaqstannyń ǵana emes Orta Azııanyń da namysyn qorǵaıtynyn atap ótti.
«Qurmetti meniń Qyrǵyzstandaǵy, Ózbekstandaǵy, jalpy Orta Azııadaǵy oqyrmandarym! Maǵan sizderdiń de qoldaýlaryńyz aýadaı qajet»,-dep sózin qorytyndylady aktrısa.
«Adyrna» ulttyq portaly
