Osydan 85 jyl būryn, iaǧni 1935 jyly 28 qaraşada, Atyrau oblysy Qūrmanǧazy audanynda Qazaqstan Respublikasy Memlekettık änūranynyŋ (mätını) avtory, körnektı aqyn, audarmaşy, Qazaqstan Jastar odaǧy syilyǧynyŋ iegerı Jūmeken Sabyrūly Näjımedenov düniege keldı. Osy mereilı künge orai "Adyrna" ūlttyq portaly aqyn ömırı turaly qysqaşa derekter ūsynady.
Qūrmanǧazy atyndaǧy Almaty konservatoriiasynyŋ ūlt aspaptary fakultetın, M. Gorkii atyndaǧy Ädebiet instituty janyndaǧy Joǧary kursty bıtırgen. 1959-1965 jyldary – «Jazuşy» baspasynyŋ kışı redaktory, 1965-1966 jyldary –respublikalyq «Leninşıl jas» gazetınde ädebiet jäne öner bölımınıŋ meŋgeruşısı. 1966-1971 jyldary – Qazaqstan Jazuşylar odaǧynda ädebi keŋesşı.
1974-1978 jyldary – Qazaq KSR Baspa, poligrafiia jäne kıtap saudasy ısterı jönındegı memlekettık komitetınıŋ redaktory, 1978-1983 jyldary «Mektep» baspasynda redaksiia meŋgeruşısı qyzmetterın atqarǧan.
Tūŋǧyş kıtaby «Balausa» degen atpen 1961 jyly jaryq kördı. Alpysynşy jyldardan bastap öleŋderı men şyǧarmalary, üş romany, audarma kıtaptary «Jazuşy», «Jalyn» baspalarynan jaryq körgen. «Balausa», «Sybyzǧy syry», «Joq, ūmytuǧa bolmaidy», «Küi kıtaby», «Mezgıl äuenderı», «Ūlym, saǧan aitam», «Qyzǧaldaq jaily ballada», «Temırqazyq», «Menıŋ topyraǧym» kıtaptary, üş tomdyq şyǧarmalar jinaǧy, «Men – tamyrmyn» dastandary, «Qasıret pen qaisarlyq», «Jūmeken», «Jaŋǧyryq», «Jaryq pen jylu», «Vesennie vetry», «Men tuǧan kün», «Jetı boiau», «Şuaq», «Aşyq aspan», «Qyran qiia», «Tebe govoriu, potomok» tolǧau, poemalary men jyrlary, «Aq şaǧyl», «Kışkentai», «Daŋq pen daqpyrt» atty romandarynyŋ avtory.
1967 jyly «Joq, ūmytuǧa bolmaidy!» atty poemasy üşın Qazaqstan Lenin komsomoly syilyǧynyŋ laureaty atandy. Aqyn jyrlary bırneşe şet el tılderıne audarylǧan.Jūmeken Näjımedenov mätının jazǧan «Menıŋ Qazaqstanym» 2005 jyly änūran bolyp bekıtıldı.
Jūmeken Näjımedenov – 2006 jyly qabyldanǧan Qazaqstan Respublikasynyŋ Änūrany avtorlarynyŋ bırı.
2010 jyly «Menıŋ Qazaqstanym» atty jyr jinaǧy üşın Jūmeken Näjımedenovke Qazaqstan Respublikasynyŋ Memlekettık syilyǧy (qaitys bolǧannan keiın) berıldı.
Aqynnyŋ esımı özınıŋ tuǧan jerı Atyrau oblysy Qūrmanǧazy audanyndaǧy auylǧa berılgen.
Aqyn 1983 jyly 22 qaraşada Almaty qalasynda ömırden ozdy.
https://youtu.be/A43SNiL1Gtw
Ūqsas jaŋalyqtar
