Pavlodar oblysynda balasyn dalada qaldyrǵan ana ustaldy, – dep habarlaıdy «Adyrna» Polisia.kz-ke silteme jasap.
– Pavlodarda ýchaskelik polıııa ınspektorlarynyń jedel is-qımyldarynyń arqasynda jas balanyń ómirin qaterge tikken 33 jastaǵy ana ustaldy. 2020 jylǵy 26 qarashada saǵat 20.40-ta polıııaǵa Pavlodar qalasyndaǵy “Avtovokzal” tramvaı aıaldamasynyń oryndyǵynan 8-9 aılyq azıat tıptes bala tabylǵany týraly habarlama kelip tústi. Kózben sholyp qaraý kezinde balada kózge kórinetin dene jaraqattary anyqtalǵan joq. Dereý tabylǵan bala týraly baǵdar jasalyp, barlyq aýmaqtyq jáne shekara mańyndaǵy aýdandarǵa taratyldy. Jaqyn mańdaǵy barlyq kósheler tekserildi, kýágerler men kórgen adamdar suraldy. Jedel qyzmetkerler men ýchaskelik polıııa ınspektorlary qys mezgilinde úlken jumys atqardy. Nátıjesinde ýchaskelik ınspektorlar 32 jastaǵy jergilikti turǵyn basqarǵan “Toyota Camry” avtokóligin anyqtady. Onyń aıtýynsha, ol “InDriver” mobıldi qosymshasy arqyly jolaýshylar tasymalymen aınalysady. 26 qarashada ol ShQO Semeı qalasynan Pavlodar qalasyna balasy bar áıeldi alyp kelip, qalaǵa kelgen boıda áıeldi avtovokzalǵa qaldyrǵan. Eki saǵattan astam ýaqyt aralyǵynda kúdikti áıel ustaldy. Oqıǵa boıynsha QR QK 119 – babynyń 1-bóligi (Qaýipti jaǵdaıda qaldyrý) boıynsha sotqa deıingi tergeý bastaldy, – dedi Pavlodar oblysy Polıııa departamentiniń bastyǵy Nurlan Másimov.
Polıııa qyzmetkerleri áıeldiń jalǵyzbasty ana ekenin, asyraýynda kámeletke tolmaǵan eki uly (9 jas, 1,2 jas) bar ekenin túsindirdi. Úlken uly ájesimen Ekibastuz qalasynda turady. Sońǵy jyldary áıel Taraz qalasynda turǵan. Ulyn tastap ketýdi aldyn ala josparlapty.
«Adyrna» ulttyq portaly
