Búgin «Oqýlyq» respýblıkalyq ǵylymı-praktıkalyq ortalyǵy men «BAQ KASIPODAQ» buqaralyq aqparat quraldary men teleradıo habarlaryn taratý qyzmetkerleriniń salalyq kásipodaǵy» Ózara yntymaqtastyq týraly memorandýmǵa qol qoıdy.
Memorandýmǵa qol qoıý rásimine «Oqýlyq» respýblıkalyq ǵylymı-praktıkalyq ortalyǵynyń dırektory Ǵanı Beısembaev jáne «BAQ KASIPODAQ» kásipodaǵynyń tóraǵasy Zeıin Álipbek qatysty.
Taraptar qol qoıǵan Memorandým aıasynda seriktestik qarym-qatynastar ornatýǵa jáne BAQ-tyń áleýetine súıene otyryp oqýlyqtardyń sapasyn arttyrýǵa, sondaı-aq olardyń mazmunyn baıytý máseleleri boıynsha uzaqmerzimdi yntymaqtastyqty damytýǵa ýaǵdalasty.
«Oqýlyq» ortalyǵy Memleket basshysynyń Joldaýynda jarııalanǵan «Estıtin memleket» tujyrymdamasyn ustanǵan jáne qoǵamnyń barlyq qajettilikterine jedel, tıimdi áreket etýdi kózdeıdi.
«Biz ózimizdi ashyqtyq aıasynda jumys jasaıtyn qoǵamdyq ortanyń ajyramas bóligi retinde aıqyndadyq. Sondaı qundylyqtardy basshylyqqa ala otyryp, qurmet, senim, adaldyq jáne ádildik prınpterine negizdelgen qarym-qatynas quramyz. Atalmysh konepııany iske asyra otyryp, biz ońtaıly toqtamǵa kelý úshin oqýlyqtardyń mazmun-sapasyn arttyrýdaǵy birqatar mańyzdy másele boıynsha sarapshy ortany jumyldyrýǵa múddelimiz», – dep atap ótti Ortalyq dırektory Ǵ.Beısembaev.
Taraptar birlesken baǵdarlamalar men jobalar ázirlep, sonymen qatar qoǵamdy sarapshylyq jumystyń jaı-kúıi men barysy týraly habardar etýge baǵyttalǵan is-sharalar ótkizýge nıetti.
Esterińizge sala keteıik, «Oqýlyq» RǴPO bilimniń mazmunyn baǵalaý, oqýlyqtar men oqý-ádistemelik keshenderdi saraptaý arqyly bilimniń sapasyn qamtamasyz etýge atsalysady. Ortalyq óziniń quzireti sheginde QR Bilim jáne ǵylym mınıstrliginiń mindettemelerin oryndap, oqýlyqtardyń sapasyn arttyrý, sondaı-aq óskeleń urpaqtyń bilimin jetildirý baǵytynda jumys isteıdi.
Baspasóz qyzmeti
«Oqýlyq» respýblıkalyq ǵylymı-praktıkalyq ortalyǵy
