Jazýshy Nurdáýlet Aqyshtyń kitaptary jaryq kórdi

4508
Adyrna.kz Telegram

Jambyl atyndaǵy jasóspirimder kitaphanasynda belgili ǵalym, jazýshy Nurdáýlet Aqyshtyń «Alasa taýlar aıasynda» jáne «Mahabbatpen arashalaý» atty kitaptarynyń tusaýy kesildi, dep habarlaıdy «Adyrna» ulttyq portaly.

Tusaýkeser rásimine Qýandyq Túmenbaı, Saıat Qamshyger, Nurjan Qýantaıuly, Nazym Slámqyzy, Gúljanat Ihsanova syndy qalamgerler, sýretshi Erkin Nurazhan, oqyrmandar men baspasóz ókilderi qatysty.

Tusaýkeserge jıylǵan qalamgerler Nurdáýlet Aqysh shyǵarmashylyǵy týraly oılaryn aıtyp, pikirlerimen bólisti. Aqyn Saıat Qamshyger jazýshy shyǵarmashylyǵynda ezýge kúlki úıiretin jeńil satıranyń barlyǵyn, sondaı-aq adamgershilik qundylyqtardyń jıi kóteriletinin sóz etse, jazýshy Qýandyq Túmenbaı Nurdáýlet Aqyshtyń aǵa býyn ishinde shoqtyǵy bıik biregeı qalamger ekenin, jazýshylyqtan bólek ádebıettaný ǵylymynda da óz jolyn sala bilgenin tilge tıek etti.

Jıyn barysynda oqyrmandar qalamgerge suraqtaryn qoıyp, birge sýretke tústi. Kelgen qonaqtarǵa jazýshynyń jańa kitaptary syıǵa tartyldy.

«Adyrna» ulttyq portaly

Pikirler