Búgin elimizdiń eń baı gerbarıı qory men zamanaýı jabdyqtarmen jabdyqtalǵan agrohımııalyq zerthanany almatylyq jýrnalıster men blogerler tamashalady dep habarlaıdy «Adyrna» tilshisi.
"Azamattarǵa arnalǵan úkimet" memlekettik korporaııasynyń Almaty qalasyndaǵy fılıaly -Agrohımııalyq, topyraqty zertteý jáne keshendi–izdestirý jumystary departamenti BAQ ókilderi úshin 2020 jyldyń 9 aıyndaǵy jumys qorytyndysy boıynsha baspasóz týryn uıymdastyrdy.
Týrǵa qatysýshylar mekemeniń kórme zalynda 60 jyldan astam ýaqyt boıy jınalǵan muraǵattyq materıaldarmen tanysty. Sondaı-aq, jýrnalısterdiń nazaryna Departamenttiń baı gerbarıı qory usynyldy, onda japyraqtardyń 10 myń túri jáne ósimdikterdiń 3 myń túri saqtalǵan. Sonymen qatar, BAQ ókilderi zamanaýı agrohımııalyq zerthanaǵa bardy.
«Qazirgi ýaqytta bizdiń mamandar dalalyq jumystardy pysyqtap, kameraldyq jumystardy jáne elektrondyq kartalardy jasaýmen aınalysýda. Alty aýyldyq okrýgte 690 myń gektar alqapta topyraq izdestirý boıynsha elektrondyq kartalar jasalyp, MQISA-ǵa biriktiriletin bolady. Budan basqa (2020 jyldyń 9 aıynda) Jambyl oblysynyń Jambyl jáne T.Rysqulov aýdandarynda – 500,0 myń ga. jumystar aıaqtaldy. 300-den asa sharýa qojalyqtaryn pasporttaý jumystary júrgizildi. Sonymen qatar, 3100,0 myń gektar alańǵa geobotanıkalyq zertteý júrgizilip, endi onyń elektrondyq geobotanıkalyq kartalary jasalýda», - deıdi Departament dırektory Bolat Jylqybekov.
Departament 2020 jyldyń mamyr-qazan aılary aralyǵynda 690 myń ga alqapta topyraq zertteý, 670 myń ga jýyq alqapta aýyl sharýashylyǵy maqsatyndaǵy jerlerdiń topyraq bonıtırovkasyn anyqtaý, 400 myń ga alqapta jer monıtorıngi boıynsha jumys uıymdastyrdy, 690 myń ga jerge arnalǵan elektrondyq topyraq kartasy jasaldy.
"Bizdiń mamandardyń eńbegi joǵary baǵaǵa laıyq. Bıyl ár brıgadanyń quramynda 4 adam bar 10 dalalyq brıgada qurylyp, jumys istedi. Árbir tekserý brıgadasy orta eseppen 75 myń gektar jaıylym men shabyndyqty ıgergen. Bir shabý alańy 1,7 gektardy sıpattaıdy, relefke jáne túrlerge baılanysty olar kóp bolýy da múmkin. Kúnine orta eseppen 1,9 gektar jerge zertteý júrgizilip otyrdy», - dep túıindedi Jylqybekov.
«Adyrna» ulttyq portaly
