2020 jyldyń sáýir – qazan kezeńinde Qazaqstan Respýblıkasy UQK shetelden QR-ǵa sıntetıkalyq esirtki jetkizýdi, sondaı-aq olardy jasaýdy jáne «Borat24» ınternet-dúkeni arqyly satýdy júzege asyrǵan transulttyq qylmystyq top áreketiniń jolyn kesý boıynsha aýqymdy operaııa ótkizdi, dep habarlaıdy "Adyrna" ulttyq portaly UQK-ne silteme jasap.
Transulttyq esirtki qurylymyna 34 qatysýshy ustalyp, 8 esirtki zerthanasy joıyldy. Elimizdiń iri megapolısteri – Nursultan, Almaty men Shymkentke kontrabandalyq jolmen ákelingen 40 kg psıhotroptyq zat alyndy. Alynǵan esirtkiniń qara naryqtaǵy bólshek qunynyń boljamdy baǵasy 600 mln. teńgeni quraıdy (80 myń mólsherleme).
Odan basqa, «bıtkoındar» satyp alý jáne olardy shetelge shyǵarý boıynsha qarjy operaııalaryn júzege asyrý jolymen esirtki satýdan alynǵan aqshalaı qarajatty zańdastyrýdy uıymdastyrǵan zańsyz krıptoaıyrbastaýyshtar áreketiniń joly kesildi. Bul rette, alynǵan aqshany zańdastyrý úshin kómekshiler jasaǵan 6 jyljymaly «maınıng ferma» anyqtaldy. Esirtki qurylymynyń kómekshileri 2 jylda (2018 jylǵy qańtar men 2019 jylǵy jeltoqsan aralyǵynda) 2,5 mlrd. teńgeden astam somany zańdastyrǵan.
Kórsetilgen faktiler Qazaqstan Respýblıkasy Qylmystyq Kodeksiniń 297-baby 4-t., 264-baby 2-t., 286-baby 4-t. jáne 218 baby 3-t. boıynsha
STBT-ǵa tirkeldi.
Foto ashyq derekkózden alyndy
"Adyrna" ulttyq portaly
