Shyǵys Qazaqstan oblysynyń Altaı qalasy koronavırýsqa shaldyqqandardyń kóbeıýine baılanysty karantınge jabyldy, dep habarlaıdy «Adyrna» ulttyq portaly QazAqparatqa silteme jasap.
ShQO Taýarlar men qyzmetterdiń sapasy men qaýipsizdigin baqylaý departamenti baspasóz qyzmetiniń málimetine súıensek, Altaı aýdandyq bas sanıtarlyq dárigeri mindetin atqarýshynyń qaýlysy 15 qarasha kúni kúshine engen. Qujatta Altaı qalasynan shyǵýǵa jáne kirýge tyıym salynǵany jáne sanıtarlyq posttardyń jumysyn qamtamasyz etý týraly jazyldy. «Kelesi nysandardyń jumysyna tyıym salý engizilsin: kınoteatrlar, monshalar, saýnalar, basseınder, teatrlar, mádenı nysandar, kitaphanalar men mýzeıler», - delingen qaýlyda. Sonymen qatar qujatta mektepke deıingi mekemelerde jáne 1-4 synyptarda ata-analardyń ruqsatymen 15 baladan aspaıtyn kezekshi synyptardy qurý qajettigi aıtylǵan. Esterińizge sala ketsek, Shyǵys Qazaqstan oblysy koronavırýstyń taralý qarqyny boıynsha «qyzyl aımaqqa» endi. Sondaı-aq óńirde shekteý sharalary 25 qarashaǵa deıin uzartyldy. 15 qarasha kúni indet taǵy 197 adamnan anyqtaldy. Jalpy, osy ýaqytqa deıin koronavırýsqa shaldyqqan 13 705 adam tirkeldi. Jazylyp shyqty - 9516, qaıtys boldy - 259 naýqas.
Foto ashyq derekkózden alyndy
"Adyrna" ulttyq portaly
