Jekeme táýelsiz din sarapshysy retinde Muhamedjan Tazabektiń jańa aqıdasy, ıaǵnı matýrıdı senimi týraly ne aıtasyz degen suraq kelgen eken.
Birinshiden, meniń úmmetimde 73 aǵym( sekta) bolady, olardyń bári tozaqta, tek bireýi týra jolda, ol Quran men súnnetti ustanǵandar degen Muhamed aıtqan sózdiń-mys, ıaǵnı arab folklorynyń Islamǵa esh qatysy joq. Sebebi bul hadıs musylmandardyń ózara jaýlasyp, jik-jikke bólinýine ákeletin, ıakı tek meniń jolym ǵana aqıqat deıtin saıası-rıgorıstik toptarǵa taptyrmaıtyn myqty argýment.
Negizi súnnızm men shıızmdegi senim turǵysynda aǵymdardyń sany atalmysh hadıstegi 73 sektadan da asyp ketedi. Al matýrıdı baǵyty Islam dinindegi dinı-tanymdyq senim ( aqıda) ekenin umytpaıyq. Matýrıdı seniminde tarıh boıynsha sopylyq joldy ustanyp, dindi qalqan etken, ıaǵnı Islamdy qylyshtyń júzimen baǵyndyrǵan ártúrli tarıqatshyl toptar bolǵany da eshkimge jasyryn emes. Al bizdiń zamanymyzda matýrıdı senimin ustanatyndardyń qataryna terrorıstik uıym bop sanalatyn Talıban ekstremıstik toby, Ózbekstan Islam qozǵalysy, Pákistandaǵy neshe túrli fýndamentalıstik jamaǵattardy jatqyzýǵa bolady. Sondyqtan da ultymyz eshqandaı dinı aǵym, ıakı uıymnyń jeteginde emes, Jaratýshynyń adamzatqa bergen eń úlken syıy aqyldy ǵana (raıonalızm, krıtıkalyq sana men logıka,fılosofııalyq dúnıetanym, pozıtıvıstik ustanym, t.b) basshylyqqa alýy kerek!
Turarbek QUSAIYNOV,
"Demos"QB tóraǵasy
