Şymkent qalasy äkımınıŋ ökımımen Äset Maratūly Äbdırahanov qalalyq sifrlandyru basqarmasynyŋ basşysy bolyp taǧaiyndaldy.
Äset Maratūly 1990 jyly Oŋtüstık Qazaqstan oblysynda düniege kelgen. Mamandyǧy – ekonomika jäne qūqyq bakalavry, urban injiniring magistrı. Sondai-aq, «Bolaşaq» baǧdarlamasymen Manchester universitetınde bılım alǧan.
Qyzmet joly 2010-2012 jyly «Vertikal-T» JŞS-de marketing mamany boludan bastalǧan. 2012 jyly «Şymkent Oktan» JŞS mūnai önımderın qabyldau sehy bastyǧynyŋ orynbasary bolǧan. 2012-2013 jyldary Astana qalasynda QR Kölık jäne kommunikasiia ministrlıgı Halyqaralyq yntymaqtastyq departamentı Ekıjaqty yntymaqtastyq basqarmasy sarapşysynyŋ mındetın atqaruşy, keiınnen sarapşysy bolyp qyzmet atqarǧan.
2013-2014 jyldary QR Kölık jäne kommunikasiia ministrlıgı Halyqaralyq yntymaqtastyq departamentı Halyqaralyq ūiymdar basqarmasynyŋ sarapşy, 2014-2015 jyldary QR İnvestisiialar jäne damu ministrlıgı Aktivterdı basqaru departamentı Memlekettık zaŋdy tūlǧalarmen jūmys basqarmasynyŋ sarapşysy, keiınnen bas sarapşysy bolǧan.
Sonymen qatar, Äset Äbdırahanov 2015-2017 jyldary Şymkent qalasy käsıpkerlık bölımı basşysynyŋ orynbasary, 2017-2018 jyldar aralyǧynda Şymkent qalasy käsıpkerlık bölımınıŋ basşysy lauazymyn atqarǧan. 2018-2019 jyldary Şymkent qalasynyŋ käsıpkerlık jäne industrialdy-innovasiialyq damu basqarmasy basşysynyŋ mındetın atqarǧan.
2019 jyldan bügıngı künge deiın Şymkent qalasynyŋ käsıpkerlık jäne industrialdy-innovasiialyq damu basqarmasy basşysynyŋ orynbasary bolyp jūmys jasaǧan.
Şymkent qalasy äkımınıŋ baspasöz qyzmetı
