Şymkent qalasynda täulıgıne 150 myŋ dana medisinalyq betperde, 200 myŋǧa juyq qolǧap daiyndalady.
"Bızhon" JŞS-y aiyna 5 millionǧa juyq medisinalyq betperde tıgetın elımızdegı bırden bır käsıporyn. Betperdeler üş qabatty bır ret qoldanylady.
Al "Qazmedprom" medisinalyq kompaniiasy Qazaqstandaǧy medisinalyq qolǧaptyŋ barlyq türın şyǧaratyn alǧaşqy mekeme. Öndırıs orny 2016 jyly qūrylǧan. Aumaǧy 1,2 gektar qūraityn käsıporyn "Oŋtüstık" industrialdy aimaǧynda ornalasqan. Bügınde künıne 170-200 myŋ dana qolǧap şyǧarady. Olardyŋ qatarynda sterildı, stirildı emes, diagnostikalyq, tabiǧi jäne sintetikalyq sekıldı medisinalyq qolǧaptar daiyndalady.
Kompaniia 68 adamdy jūmyspen qamtyp otyr. Aldaǧy uaqytta öndırıste jäne üi şaruaşylyǧynda qoldanatyn qolǧaptar daiyndau josparlanuda.
Atalǧan medisinalyq önımder tek Şymkent qalasynyŋ ǧana emes elımızdıŋ naryǧyna şyǧarylyp jatyr.
Şymkent qalasy äkımınıŋ baspasöz qyzmetı
