Eńbek jáne halyqty áleýmettik qorǵaý mınıstrligi Qazaqstannyń zeınetaqy júıesin 2030 jylǵa deıin odan ári jańǵyrtý tujyrymdamasyn ózgertý týraly usynystaryn jarııalady, dep habarlaıdy «Adyrna» ulttyq portaly «KTK» arnasyna silteme jasap.
Mınıstrlik jarııalaǵan tujyrymdamada bazalyq zeınetaqy tóleminen 2028 jyldan bastap eń tómengi kepildendirilgen zeınetaqyǵa kóshirý usynylady. Eńbek mınıstrligi memlekettik kepildeme berý mehanızmin ońtaılandyrýǵa, zeınetaqy júıesine tájirıbesi az adamdardy zeınetaqymen qamtamasyz etý deńgeıin kóterýge jáne zeınetaqy tólemderimen kiristerdi aýystyrýdy usyndy.
Zeınetaqymen qamsyzdandyrý mınımaldy kepildikterin qolaıly deńgeıde qamtamasyz etý úshin bazalyq zeınetaqyny taǵaıyndaýdan eń tómengi kepildendirilgen zeınetaqyny taǵaıyndaýǵa kóshý júzege asyrylady. Osyǵan baılanysty mynalar usynylady:
zeınetaqy júıesinde 5 jyldan kem jumys ótili bar adamdar úshin eń tómengi kúnkóris deńgeıiniń 70 proenti mólsherinde kepildendirilgen zeınetaqyny belgileıdi;
kúnkóris deńgeıiniń 70 paıyzy mólsherinde bazalyq zeınetaqyny anyqtaý, 5 jyl ishinde ár jyl úshin onyń mólsheri 2 paıyzǵa ósedi;
bazalyq zeınetaqy taǵaıyndaýdyń kúshin joıady;
belgilengen bazalyq zeınetaqy alýshylaryna eń tómengi kepildendirilgen zeınetaqy bazalyq zeınetaqynyń mólsherin esepteý kezinde eskerilgen zeınetaqy júıesindegi eńbek ótilin eskere otyryp esepteledi.
Sonymen qatar, tólemder halyqtyń jekelegen toptary arasynda múgedektigi jáne jynysy boıynsha saralanbaıdy. Qaýipti óndiristerde jumys isteıtin jumyskerlerge,1 jáne 2 toptaǵy múgedekterge zeınetaqy jınaqtarynyń aǵymdaǵy qunynyń bólek koeffııentterin engizý usynylady, óıtkeni olardyń ómir súrý uzaqtyǵy ártúrli.
«Bul ózgeristiń nátıjesinde halyqtyń atalmysh sanattary úshin zeınetaqy tólemderiniń merzimi azamattardyń barlyq sanattary úshin zeınetaqy tólemderine qaraǵanda salystyrmaly túrde qysqa bolady. Sáıkesinshe mundaı azamattar úshin aı saıynǵy tólemderdiń mólsheri joǵary bolýy qajet»,-delingen qujatta.
«Adyrna» ulttyq portaly
