Qazaqstanda azamattardyń depýtattarǵa tikeleı suraq qoıýyna múmkindik beretin Salemdeputat.kz saıty iske qosyldy. Jobany uıymdastyrǵan “Zertteu Research Institute” qoǵamdyq qorynyń habarlaýynsha, bul saıt arqyly oblys máslıhatynyń ne parlament májilisiniń depýtatyna elektrondy ashyqhat jiberýge bolady dep jazady «Adyrna» ulttyq portaly Azatyqqa silteme jasap.
Olardyń aıtýynsha, azamattar osy resýrs kómegimen memleket, oblys, qala, aýdan nemese aýyl bıýdjeti týraly saýal qoıa alady.
– Joba maqsaty – saılaýshy men depýtat arasynda naqty baılanys ornatyp, saılaýshylardyń bıýdjet máselesi boıynsha belsendiligin arttyrý. Ár jyl saıyn kúzde depýtattar kelesi jylǵa bıýdjet jobasyn qarastyrady. Bizdiń baqylaýymyz boıynsha, sol bıýdjet aqshasyn qalyptastyratyn salyq tóleýshiler bul proeske qatyspaıdy. Bıýdjettiń ózi de solar úshin ázirlenip, qabyldanady. Sondyqtan bıýdjettiń salyq tóleýshilerdiń kózqarasy men qalaýyn eskere otyryp qurylýy keregin eskertemiz. Talqy kezinde depýtattar saılaýshylarynyń talap-tilegin bilýi kerek. Sondyqtan azamattar suraq qoıyp, pikirin, talaby men ótinishin, aıtalyq bıýdjetke qatysty saýalyn jibere alýy úshin osy jobany ázirledik, – deıdi "Zertteu Research Institute" sarapshysy Ǵalymjan Orazymbet Azattyqqa suhbatynda.
Joba bastamashylary barlyq oblys máslıhattarynan depýtattardyń elektrondy mekenjaıyn berýdi suraǵan.
– Máslıhattardyń 70 paıyzy oń kózqaras tanytty. Qaraǵandy, Jambyl, Batys Qazaqstan oblystarynyń máslıhattary depýtattardyń elektrondy poshtalaryn jeke bas málimeti dep sanady. Biz saılaýshylarmen baılanys bolýy úshin ásirese ıfrlandyrý dáýirinde máslıhat depýtattarynyń jumys jáne elektrondy mekenjaıy naqty jarııalanýy tıis dep sanaımyz. Máselen, Aqmola jáne Shyǵys Qazaqstan oblystyq máslıhattary depýtattardyń elektrondy poshtalaryn saıttarynda kórsetken, bul halyq qalaýlylarymen tikeleı baılanysýǵa múmkindik beredi. Keıbireýleri máslıhattyń korporatıvtik poshta mekenjaıyn berdi. [Máslıhatta] "osy mekenjaıǵa jiberińder, ári qaraı kimge jóneltýdi ózimiz sheshemiz" dedi, – deıdi sarapshy.
Orazymbettiń aıtýynsha, depýtat azamattyń hatyna jaýap bermese, bul onyń "saılaýshy aldyndaǵy ashyqtyǵy men jaýapkershiligin" bildiredi.
– Azamat suraǵyna jaýap almasa, demek depýtat onyń saýalyna nazar salmady degen sóz, – deıdi sarapshy.
salemdeputat.kz saıty qoldanýshynyń aldymen ashyqhat túrin tańdap, habarlamany jazyp, tizimdegi depýtatty belgilep, hatty onyń atyna jiberýine múmkindik beredi. Hat depýtattyń elektrondy poshtasyna túsedi. Jaýap alý úshin hat jiberýshi óz derekteri men elektrondy poshta mekenjaıyn kórsetýi tıis.
Uıymdastyrýshylar taqyryptyq ashyqhat jazý – saılaýshy saýaldaryna depýtattyń nazaryn aýdartýdyń álemde keń taraǵan úlgisi deıdi.
Jobaǵa Quqyqtyq medıa-ortalyq, Factchesk.kz, Qazaqstannyń jastar aqparattyq qyzmeti (MISK), "Soıým-Zertteý", "Medıanet" jáne "Soros-Qazaqstan" qory qoldaý kórsetken.
Qazir Qazaqstanda máslıhattar men májilis depýtatymen habarlasý úshin saılaýshylar olardyń qabyldaýyna jazylýy nemese máslıhat saıtynda kórsetilgen telefon nómirine qońyraý shalýy kerek. Bólinetin ýaqyt shekteýli bolǵandyqtan, azamattar halyq qalaýlylarymen baılanystyń nashar ekenin, eldi tolǵandyratyn suraqtardyń kóbi jaýapsyz qalyp jatqanyn jıi aıtady.
