Búgin, 28.10.2020 jyly Kaspi.kz qosymshasynda birneshe saǵat aqaý bolyp, óz klıentterine qyzmet kórsete almaı qaldy. Osyǵan oraı Kaspi.kz-tiń baspasóz hatshysy Erbol AZANBEK Kaspi Gold pen Kaspi Red-tiń Kaspi QR arqyly jasalǵan árbir tólemi úshin bank 5% Bonýs syılaıtynyn málimdedi, - dep habarlaıdy "Adyrna" ulttyq portaly.
Resmı málimdemede: "Qoldaýlaryńyzǵa raqmet aıtamyz!
Kaspi Gold pen Kaspi Red-tiń Kaspi QR arqyly jasalǵan árbir tólemi úshin 5% Bonýs syılaımyz!
Kaspi.kz qosymshasyndaǵy barlyq qyzmetter jumys istep tur. Klıentterdiń barlyq qarajaty ornynda jáne shotta durys kórsetilip tur. Biz qolaısyzdyqtar úshin shyn júrekten keshirim suraımyz jáne bizdiń súıikti klıentterimizge «Qoldaý bildirgeni úshin raqmet!» aıtamyz.
29 qazan 4 qarasha aralyǵynda Kaspi QR arqyly jasalǵan Kaspi Gold jáne Kaspi Red-tiń árbir tólemi úshin 5% Bonýs syılaımyz.
Qara nıetti, jaman adamdar taratqan feık habarlamalarǵa nazar aýdarmańyz. Biz árqashan súıikti klıentterimizge kez-kelgen oqıǵa týraly áleýmettik jelidegi resmı paraqshalarymyzda shynaıy túrde habarlaımyz.
Sizdiń Kaspi.kz", - deıdi.
Foto ashyq derekkózden alyndy
"Adyrna" ulttyq portaly
