Sońǵy kezde Aınur Tursynbaeva aıtyp júrgen «Staqandaǵy sý» tehnıkasy týraly synı pikirler qaptap ketken edi. Olardyń kóbi bul tehnıkanyń negizsiz jáne serik qosý ekenin aıtýda dep habarlaıdy «Adyrna» ulttyq portaly kznews.kz saıtyna silteme jasap.
«Men alǵash motıvaııalyq kitaptardy aqtaryp bastaǵanda eń birinshi oqyǵanym Zelandtyń “TRANSERFING” kitaby boldy. Qatty unaǵan soń qazaqshalaı bastadym… Kelispeıtin jerlerim de bar árıne.
Ishinde ataqty “staqandaǵy sý” tehnıkasy týraly jazylǵan.. Keıinnen ıýtýbta batystyń ezoterıkteriniń basym bóligi sony qoldanatynyn bildim. Dinnen habary bar bir aǵadan suraǵanymda “sýǵa dem salyp ishý ıslamda da bar” degesin sabaqtarymda ózim de qoldandym. Men biraz boldy arab tilin úırenip bastap jatyrmyn… Arasynda aıat, súre, hadısterdi oqımyn. Eń qyzyǵy Zelandtyń da, Kehonyń da, Dıspenzonyń da, basqalarynyń da aıtyp júrgenderi quranda bar bolyp shyqty.. Jáne jasap júrgen tehnıkalaryma kúdik paıda boldy…
Joldasym qurandy emin-erkin bolmasa da bir kisideı oqı alady , osyny naqtylap bershi dep edim, “sen dem salyp úıretip jatqan joqsyń, sýdan suratyp úıretip ketipsiń, bul kúnániń úlkeni” dep kesip aıtty… Sonymen 2 rákaǵat taýba namazyn oqyp, ol tehnıkany toqtatyp tastaǵanyma 1 aıdan asqan… Qyzyq bolǵanda toqtatqan kúnnen bastap aldymnan aınalyp shyǵa berdi.. Aıqaılap aıtyp júrgende eshkim úndemeı, endi jaýyp tastaǵanda nege bul taqyryp ýshyǵyp ketti degen oıǵa qaldym… Qurandy erkin oqıtyn bir musylmanǵa habarlasyp “nege bulaı bolyp jatyr” dep keńes surasam “jurt seniń toqtatqanyńdy bilmeıdi ǵoı, jurttyń aldyndaǵy abyroıdy emes Alllanyń aldyndaǵy abyroıdy oılap bul tehnıkany múlde qoldanbaıtynyńyzdy aıtyp, qateleskenińizdi moıyndap post jazsańyzshy” dedi…
Allanyń meıirimi anamyzdan 99 ese kóp eken ǵoı, álbette qateleskenniń duǵasyn qabyl etedi…Basym jerge jetkenshe ıilip sizderden de keshirim suraımyn… Búgingi qarı kisiden estigen bir jaqsy dúnıem, aýyrǵan adam sýǵa ózi dem salyp Fatıha, Falaq, Nas súresin oqyp jiberip ishse Alla shıpasyn beredi eken… Laıym, Alla bizdi adasýdan saqtasyn… Júregimdi jylatqan bir jaǵdaıdy aıta keteıin.. Búgin bir altyn qyz “negizi durys emes ekenin biletin edim, biraq sen renjip qala ma dep aıta almaı, kúnde tahadjýd namazyn oqyp Alladan sen úshin duǵa jasap júr edim, Allaǵa shúkir” dep jylap qaldy.. Shyn janashyr baýyr degen osy shyǵar…
«…Alla táýbe etýshilerdi jaqsy kóredi ári taza bolýshylardy da jaqsy kóredi». («Baqara» súresi, 222-aıat)».
Muny oqyǵan oqyrmandary «Men de stakandaǵy sý tehnıkasyn jasap júrgenmin. Biraq, sońǵy kezde nelikten ekenin bilmeımin, júregim tartpaı ishpeı júrdim, 2 kún stakanda turyp qalǵan sýdy gúlderge quıyp júrdim, endi mine jaýap degen keldi.
Allanyń qudyreti kúshti degen osy emes pe», «Jazǵanyńyz durys boldy» degen syndy pikirlerin jazýda.
