Qazaqstan ulttyq quramasynyń qos birdeı boksshysy kásipqoı rıngte alǵashqy jekpe-jegin ótkizedi, dep habarlaıdy "Adyrna" tilshisi.
31 qazan kúni Atyraý qalasynda ótetin boks keshinde álem chempıony Bekzat Nurdaýletov (81 kg) pen álem chempıonatynyń qola júldegeri Abylaıhan Júsipov (69 kg) kásipqoı bokstaǵy alǵashqy jekpe-jegin ótkizedi.
«Suleimen Promotion» kompanııasy uıymdastyratyn keshtiń basty jekpe-jeginde Aıdos Erbosynuly WBO Global, WBC Asia, WBA International belbeýlerine talasý úshin sharshy alańǵa shyǵady. Bul kúni Bek Nurmaǵambetov, Evgenıı Pavlov jáne Danıl Semenov te rıngke kóteriledi. Danıl Bekzat pen Abylaıhan sekildi kásipqoı bokstaǵy birinshi jekpe-jegin ótkizedi.
Buǵan deıin ulttyq quramanyń kapıtany Qamshybek Qońqabaev ta kásipqoı boksta baǵyn synap, Isa Aqberbaevty tehnıkalyq nokaýtpen utqan bolatyn. Tokıo Olımpıadasyna daıyndyq júrgizip jatqan boksshylarǵa sáttilik tileımiz.
"Adyrna" ulttyq portaly
