16 qazan kúni keshke Parıj mańynda mektep muǵaliminiń basy kesildi. Prokýrorlardyń aıtýynsha, Máskeýde týylǵan 18 jastaǵy jigit shabýyl jasaǵan, - dep habarlaıdy «Adyrna» ulttyq portalynyń tilshisi BBC News-tiń orys qyzmetine silteme jasap.
Franýz bıliginiń málimdemesine sáıkes, shabýyldaýshy Abdýlak Abýezıduly A. Esimdi azamat. Ol 2002 jyly 12 naýryzda Máskeýde dúnıege kelip, Franııada bosqyn mártebesin alǵan.
Franýzdyq buqaralyq aqparat quraldarynyń habarlaýynsha, 47 jastaǵy muǵalim Semıýel Patı oqýshylarǵa sabaq barysynda Muhammed paıǵambardyń karıkatýralaryn kórsetkennen keıin oǵan qoqan-loqqy kórsetile bastaǵan. Karıkatýrany sabaqta kórsetý birqatar musylman ata-analardyń ashý-yzasyn týdyryp, olar muǵalimniń bul áreketin kúpirlik dep sanaǵan.
Polıııa tarapqa jasalǵan shabýyldy terakt retinde tergep jatyr.
Aıta keteıik, kisi óltirýge baılanysty bılik daǵdarys ortalyǵyn qurǵan. Franııa prezıdenti Emmanýel Makron muǵalimniń qaıtys bolǵan jerine de barǵan. Prezıdent shabýyl bolǵan jerdegi sózinde: «Búgin bizdiń bir azamatymyzdy óltirdi. Ol oqýshylarǵa sóz bostandyǵy týraly úıretkeni úshin qurban boldy», - degen.
Buǵan deıin Marokkoǵa bara jatqan Franııanyń ishki ister mınıstri Djerald Darmanen jedel túrde qaıta Parıjge oralǵan.
Bilim mınıstri Jan-Mıshel Blanke óz tvıtterinde: Muǵalimdi óltirý – búkil Franııa Respýblıkasyna jasalǵan shabýyl, – dep jazdy. Blanke óziniń jábirlenýshimen jáne onyń otbasymen birge ekenin jáne ıslamdyq terrorızmge qarsy áreket tek birlik pen berik bolýda ekendigin atap ótti.
Parıjde Ulttyq jınalystyń depýtattary qaıtys bolǵan muǵalimniń rýhyna taǵzym etý úshin oryndarynan turyp, jaǵdaıdy sumdyq terrorıstik shabýyl dep jarııalady.
Foto ashyq derekkózden alyndy
«Adyrna» ulttyq portaly
