Epıdemııalyq jaǵdaıǵa baılanysty jańa oqý jyly qashyqtan oqytý formatynda bastalady.
Osyǵan oraı, qaladaǵy ınternetke muqtaj muǵalimder men oqýshylarǵa mektepterdegi ınternet qyzmetine qaralǵan qarjy esebinen ınternet jelisine qosylǵan «ámbebap-nómirler» men qajetti roýterler beriletin bolady. Bul týraly jańa oqý jylyna daıyndyq boıynsha ótken brıfıng kezinde qala ákimi Murat Áıtenov habarlady.
«Qazirgi tańda mektepter «Bilim Iand» ınternet platformasynda qashyqtan oqytýǵa tolyǵymen daıyn. Qashyqtan bilim berýge ótýge baılanysty 222 050 oqýshynyń 35%-na, onyń ishinde 41 900-i kompıýterge muqtaj, 35 798-i áleýmettik kómekti qajet etetin otbasy balalaryna kompıýterlik tehnıka men ınternet qajettiligi anyqtaldy. Sonymen qatar, áleýmettik kómekti qajet etetin 35 798 balany tolyq qamtamyz etý maqsatynda respýblıkalyq bıýdjetten 31 160 kompıýterlik tehnıka alý úshin 4,8 mlrd. teńge qarjyǵa suranys berildi» - dedi ákim.
Qala basshysy Murat Áıtenovtiń tapsyrmasyna sáıkes, aǵymdaǵy jyly shilde aıynda 10 975 dana kompıýter satyp alynyp, jalpy kompıýterler sany 20 201-ge jetti. Jergilikti bıýdjet esebinen qosymsha taǵy 4 800 kompıýter satyp alý josparlanýda. Mektepterdegi kompıýterlerdi oqýshylarǵa ýaqytsha berý arqyly 24 955 otbasynyń 41 900 balasy kompıýtermen qamtylatyn bolady.
Budan ózge, qalamyzdaǵy jalpy 30 kolledj de qashyqtan oqytý «Smart Nation College» ınternet platformasynda júrgiziledi.
Qosymsha aıta ketsek, kolledjderdegi pedagogıkalyq, IT, áleýmettik-gýmanıtarlyq baǵyttardaǵy mamandyqtar tolyq qashyqtan oqytylady. Al, tehnologııalyq – agrarlyq medıınalyq, óner baǵyttary aralas oqytylady. Iaǵnı, lekııalar onlaın ótse, zerthanalyq jumystar men óndiristik tájirıbeler shtattyq rejımde júrgiziledi.
Shymkent qalasy ákiminiń baspasóz qyzmeti
