Ońdasyn Orazalın Qarǵaly aýdanynda bolyp, “Jumyspen qamtýdyń jol kartasy” baǵdaralamasy aıasynda atqarylǵan jumystarmen tanysty

2264
Adyrna.kz Telegram

14-qazan, sársenbi kúni Aqtóbe oblysynyń ákimi Ońdasyn Orazalın jumys saparymen Qarǵaly aýdanynda boldy. Aımaq basshysy Badamshadaǵy joldardyń jóndeýin qarady. Aýdanda “ Jumyspen qamtýdyń jol kartasy” baǵdarlamasy boıynsha bıyl 10 joba iske asyrylady. Aýdan ortalyǵynda 9 kóshege asfalt tóselip, 7 kóshe jaryqtandyrylǵan. Qaýipsizdikti qamtamasyz etý maqsatynda joldarǵa beınebaqylaý ornatyldy. Kópqabatty turǵyn úılerdiń 6 aýlasyna jóndeý júrgizilip, oıyn alańdary paıda boldy. Qarǵaly aýdanynda 2021 jyly qosymsha 8 aýlany jóndeý josparlanyp otyr. Sondaı-aq, oblys ákimi memlekettik baǵdarlama boıynsha 70 oryndyq ınternatpen birge salynyp jatqan 300 balaǵa arnalǵan mekteptiń qurylysyn baqylady. Ońdasyn Orazalın atalǵan qurylystyń sapasyn baqylaı otyryp, jyl sońynda aıaqtaýdy tapsyrdy. Óńir basshysy budan soń Qos Estek aýylynda boldy. JQJK-sy boıynsha quny 57 mln tg kúrdeli jóndeýden ótken balabaqshanyń jaǵdaıymen tanysty. Salynǵanyna 30 jyldan astam ýaqyt bolǵan mektepke deıingi mekeme zaman talabyna saı jabdyqtalyp, qajetti materıaldarmen qamtylǵan.
Qos Estek aýyldyq ákimdigi bıylǵy jyly memlekettik baǵdarlama aıasynda boı kótergen jańa ǵımaratqa qonystandy. Munda ákimdik qyzmetkerlerinen ózge, ýchaskelik polıııa bólimi men veterınarııa mamandary da ornalasatyn bolady. Nysandy salýǵa 35 mln tg qarjy qaraldy. Ótken jyly JQJK boıynsha aýyldyq klýb paıdalanýǵa berilse, bıyl turǵyndardyń demalýyna arnalǵan saıabaq salyndy. Aýyldyq okrýgtegi 4 kóshe jóndelip, jaryqtandyryldy. Kóshelerdi qalypqa keltirý jumystary odan ári jalǵasyp, aýylǵa kireberis jol qurylysy qarqyn aldy. Aıtyp óteıik baǵdarlama aıasynda Qarǵaly aýdanynda 200-ge jýyq azamat ýaqytsha merzimdi jumyspen qamtyldy.
“Memleket basshysynyń tapsyrmasymen «Jumyspen qamtý 2020 jol kartasy» baǵdarlamasy iske asyrylyp otyr. Baǵdarlama halyqty jumyspen qamtý máselelerin jedel sheshý jáne qosymsha jumys oryndaryn qurýǵa, áleýmettik, ınjenerlik-kóliktik ınfraqurylymdy jáne turǵyn úı-kommýnaldyq sharýashylyqty damytý, eldi mekenderdi abattandyrý boıynsha ınfraqurylymdyq jobalardy iske asyrý esebinen jumyssyz azamattar sanynyń ósýine jol bermeýdi kózdeıdi, josparlanǵan jobalar sapaly, ýaqytyly iske asyrylýy qajet”,- degen oblys ákimi aýdan basshysy Asqar Júsibálıevke aldaǵy jyly da kóshelerdi asfalttaý jumystaryn belsendi júrgizýdi tapsyrdy.

Pikirler