Egov.kz arqyly 53 myńnan astam jup nekelerin tirkedi

1889
Adyrna.kz Telegram

Elimizdegi Halyqqa qyzmet kórsetý ortalyqtary jumystaryn óz deńgeıinde atqaryp jatyr. Olardyń bir parasy retinde  balanyń týylýyn tirkeý, júktilik pen bosanýǵa baılanysty tabysynan aıyrylǵany úshin áleýmettik tólem taǵaıyndaý, balanyń týylýyna jáne onyń bir jasqa deıingi kútimine járdemaqy taǵaıyndaý sekildi qyzmetterin atap ótýge bolady.

Máselen, bıylǵy jyldyń 8 aıynda Qazaqstannyń halyqqa qyzmet kórsetý ortalyqtary arqyly sábıdiń 145 myńnan astam týý týraly kýáligi berilgen, 267 myńnan astam jas ana bala týǵany úshin birretik jáne onyń bir jasqa tolǵanǵa deıingi kútimine tıisti járdemaqylardy alǵan, al 134 myńnan astam áıelge júktiligi men bosanýyna baılanysty tabysynan  aıyrylǵany úshin áleýmettik tólem taǵaıyndalǵan.

Atalǵan qyzmetterdi halyqqa qyzmet kórsetý ortalyqtarynda ǵana emes, egov.kz elektrondy úkimet portaly arqyly EQ kómegimen de tapsyrys berýge bolady nemese mobıldi azamattar bazasynda tirkelgender proaktıvti formatta SMS-habarlama arqyly ala alady.

Aıta keteıik, balanyń týylýyna baılanysty proaktıvti qyzmet Qazaqstanda 2017 jyldyń sońynda iske qosyldy. Bala dúnıege kelgennen keıin ata-anaǵa birden quttyqtaý SMS-habarlamasy, sondaı-aq sábıdiń týýyn tirkeý boıynsha memlekettik qyzmetti alý týraly usynys keledi. Elektrondyq úkimettiń portaly barlyq aqparatty memlekettik organdardyń aqparattyq júıelerinen alady, al jetispeıtin aqparat qyzmet alýshydan SMS habarlama arqyly suratylady. Sońǵy úsh jylda 85 myńnan astam qazaqstandyq otbasy balanyń týylýyna qatysty qyzmetterdi proaktıvti túrde alǵan.

Taǵy bir aqparat qosyp ótsek, jyl basynan beri 53 myńnan astam jup nekelerin egov.kz elektrondy úkimet portaly arqyly tirkegen.

Gúlvıra Asqar

"Adyrna" ulttyq portaly

Pikirler