Sifrlyq damu, innovasiialar jäne aeroǧaryş önerkäsıbı ministrlıgı bailanys.bar servisı men kaspi.kz JK servisın ıske qosty.
Alǧaşqysynyŋ, iaǧni bailanys.bar servisınıŋ basty mındetı - elımızdegı internet jyldamdyǧy tömen jerlerdı anyqtau bolsa, JK servisı qūjattardy qaşyqtan tekseruge, käsıpkerdı säikestendıruge, tırkeudı rastauǧa arnalǧan bırqatar zamanaui tehnikalyq şeşımderdı qamtuǧa arnalǧan.
bailanys.bar servisın qazaqstandyq BTS Digital sifrlyq kompaniiasynyŋ mamandary äzırlegen. Ony PlayMarket pen App Store-den jüktep aluǧa bolady.
Mamandar atalǧan jobanyŋ internet sapasyn jaqsartatynyna senımdılık bıldırıp otyr.
Mäselen, Sifrlyq damu, innovasiialar jäne aeroǧaryş önerkäsıbı vise-ministrı Daryn Tūiaqovt: «Būl servis - qajettı şara. Bızdıŋ elde internetı joq nemese jabyny älsız aimaqtar bar ekenın tüsınemız. Mūndai aimaqtar az emes jäne bızdıŋ negızgı mındetımız osyndai oryndar sanyn barynşa azaitu. Osy qoldanbaly baǧdarlama bızge jelınıŋ sapasy, internet jyldamdyǧy boiynşa barynşa obektivtı derekter aluǧa jäne aǧymdaǧy jaǧdaidy jaqsartuǧa mümkındık beredı», - dedı.
Vladimir Fidler, bailanys.bar servisınıŋ jetekşısı:
«Bızdıŋ basty mındetımız – internet jyldamdyǧy boiynşa eŋ tömen öŋırlerdı anyqtau. Derekter neǧūrlym köp jinalsa, jaǧdaidy tüzetu üşın şaralar dälırek bolady. Bız barlyq qazaqstandyqtardy tekseruge qatysuǧa şaqyramyz. Mūnda kürdelı eşteŋe joq, jelını bırneşe ret basu arqyly baqylauǧa bolady».
Endı qazaqstandyqtar körsetılgen sıltemeler boiynşa bailanys.bar servisıne ötıp, internet jyldamdyǧyn teksere alady. Būl jaǧdai äsırese qaşyqtan bılım alyp jatqandar üşın öte qajettı dünie.
Servistıŋ alǧaşqy kezeŋındegı josparǧa säikes, internettıŋ qoljetımdılıgı anyqtalady. Al ekınşı kezeŋınde ötınış jıberu funksiiasy ıske qosylady. Iаǧni, internet paidalanuşylar onyŋ jyldamdyǧyna qatysty naqty şaǧym jıbere alady. Ötınışter tıkelei Sifrlyq damu, innovasiialar jäne aeroǧaryş önerkäsıbı ministrlıgıne tüsıp, osynda qaralatyn bolady.
Endı kaspi.kz servisınıŋ artyqşylyǧyna toqtasaq.
Soŋǧy jyldary qazaqstandyqtardyŋ köpşılıgı kaspi.kz qosymşasyn paidalanyp jürgenı belgılı. Osy oraida Sifrlyq damu ministrlıgı bırgei servistı ıske qosu arqyly moraldyq tūrǧydan eskırgen Egov qyzmetınıŋ jūmysyn aitarlyqtai azaityp, memlekettık qyzmetterdı ūsynu jönındegı jūmysqa jaŋa mümkındıkter jasamaqşy. Iаǧni, endı qazaqstandyqtar atalǧan servis arqyly memlekettık qyzmetterdı özderıne yŋǧaily joldarmen ala alady.
JK servisın tırkeu üşın endı osy qyzmettı Kaspi.kz qosymşadan taŋdap, saualnamany toltyryp, Kaspi ESQ kömegımen qol qoiu jetkılıktı.
Derekköz: Sifrlyq damu, innovasiialar jäne aeroǧaryş önerkäsıbı ministrlıgı
"Adyrna" ūlttyq portaly
