Bishkek polıııasy narazylyq tanytýshylardy kúshpen taratty (vıdeo)

2419
Adyrna.kz Telegram

 Búgin keshkilik Bishkektiń júzdegen turǵyny  Ala-Too alańyna narazylyqqa shyqty. Aıtýlarynsha, saılaý nátıjesi burmalanǵan. Keıbir adamdar Joǵarǵy Keńesh (Jogorký Kenesh – red.) ǵımaraty men prezıdent ákimshiligi ǵımaratynyń qorshaýyn buzyp kirmek bolǵan. Qorshaý ishine bótelke men tas atqylaǵan. 

Polıııa ókilderi Ala-Too alańyna narazylyqqa shyǵýshylarǵa rezeńke oq pen kózge jas aǵyzatyn gaz qoldanyp, kúshpen taratyp jiberdi. Qyrǵyz aqparat kózderi kóshelerde narazylyqqa shyǵýshylardyń sońyna túsip, olardy ustap jatqanyn jazýda.

Qyrǵyzstan densaýlyq saqtaý mınıstrliginiń baspasóz hatshysy Jyldyz Aıgerchınovanyń aıtýynsha, Ala-Too alańynda mıtıngige shyqqandardy taratý kezinde kúsh qurylymdarynyń eki qyzmetkeri jaralanǵan, ekeýiniń de mıy shaıqalǵan. Olardy "Jedel járdem" qyzmeti aýrýhanaǵa alyp ketti. Sondaı-aq mıtıngke shyqqan 16 adam aýrýhanaǵa jetkizilgen.

Kesheli beri  Qyrǵyzstannyń belsendileri  saılaý nátıjesi burmalandy dep bıligin synap, halyqty alańǵa shyǵýǵa úgittegen.

 

Aıta keteıik, 4 qazanda Qyrǵyz elinde parlament saılaýy ótti. Qazir Joǵarǵy Keńeshtiń 120 oryndyq mandatyna  7 paıyzdan kóp daýys jınaǵan tórt partııa ótip tur:

1) "Bırımdık" (Birlik)  – 24,5 paıyz;

2)"Mekenım Kyrgyzstan" (Mekenim – Qyrǵyzstan) - 23,88 paıyz;

3)"Kyrgyzstan" – 8,76 paıyz;

4)"Bútún Kyrgyzstan" ("Birtutas Qyrǵyzstan") – 7,13 paıyz daýys alǵan.

Osy tórt partııanyń ishinde "Birtutas Qyrǵyzstan" ǵana oppozıııalyq baǵyt ustanady.

"Adyrna" ulttyq portaly

 

 

Pikirler