Asar shaǵynaýdanynda 100 otbasy jumyspen qamtyldy

1536
Adyrna.kz Telegram

Qala ákiminiń tapsyrmasyna sáıkes, búginde megapolıs aýmaǵyn abattandyrý men kógaldandyrý maqsatynda jylyjaı keshenderinde birjyldyq jáne kóp jyldyq gúlder kóshetterin ósirýge nazar aýdarylyp otyr. Búgin Asar shaǵynaýdanynda ótken jıynda da salany damytý jaıy talqylandy.

Jıynǵa qala ákiminiń orynbasary A.Sáttibaev, aýyl sharýashylyǵy jáne veterınarııa basqarmasynyń basshysy A.Qanybekov, «Jasyl Jer» JShS-niń dırektory B.Baısaqalov, «LTD Turmys» JShS-niń dırektory Ǵ.Sadybekov jáne «ASAR AGRO» kooperatıviniń basshysy S.Tastanov qatysty.
Taldaý jumystaryna sáıkes, búginde Shymkentte qalany kógaldandyrý maqsatynda jalpy
1,6 mln. dana gúl qajettiligi anyqtalyp otyr.
Jıynda birjyldyq jáne kópjyldyq gúlderdiń kóshetterin ósirý úshin jobany qarjylandyrýmen qamtamasyz etýge «ASAR AGRO» kooperatıvi, «Jasyl-Jer» JShS jáne «LTD Turmys» JShS ókilderi yntymaqtastyq týraly memorandýmǵa qol qoıdy. Bul maqsatta «Forvardtyq» satyp alý da kelisildi.
Joba aıasynda qala aýmaǵyndaǵy agroqalashyq bolyp sanalatyn «Asar» shaǵynaýdanynan 100 otbasy jumyspen qamtylady.
Asar shaǵynaýdany búginde jylyjaı óndirisine mamandanǵan. Endigi rette bul aýmaqtaǵy jylyjaı keshenderinde gúl ósirýdi damytyp, jańa salany ıgerýge múmkindik týyp tur.
Jalpy, gúl ósirý paıdasy kóp, tabysty sala. Shymkentte jańa salany damytyp, gúl eksportyn ulǵaıtýǵa barlyq múmkindik bar. Bul salada básekelestik artýyna baılanysty salyq kólemi de ulǵaıady. Bolashaqta Shymkentti kókónispen qatar, kórshi aımaqtar jáne kórshi elderge gúl esporttaıtyn áleýetke jetkizý maqsaty tur. Máselen, Nıderland eli gúl satý bıznesinen jylyna 6 mlrd-tan astam eýro paıda tabady eken. Osyny eskerer bolsaq, bul salany Shymkentte damytý boıynsha mol paıda tabýǵa múmkindik bar.

Pikirler