Praımerız: Aqtóbelik partııalyqtar onlaın daýys berýdiń tıimdi ekenin aıtty

2318
Adyrna.kz Telegram

Óńir naryǵynda ózindik oryny bar «Aıs» jaýapkershiligi shekteýli seriktestigindegi partııa músheleri de praımerızden shet qalyp jatyrǵan joq. On jyl buryn kásiporynǵa qarapaıym jumysshy bolyp kirip, qazirgi tańda eh sheberi bolyp otyrǵan Erbolat Jasjanov partııaishilik saılaýdyń mańyzdy ekenin aıtty. Ol bastamasy men baǵdarlamasy unaǵan kandıdatqa ózindik tańdaýyn  jasaǵan.

«Praımerız dodasyna túsip jatqan úmitkerler túrli máselelerdi kóterip, atqarylýy kerek jumystardy atap aıtyp jatyr. Turǵyndardy tolǵandyryp júrgen jaıttardy qozǵap, sheshimin de usynys retinde jetkizýde. Qoǵamda bolyp jatqan máselelerge beı-jaı qaramaı, ony kóterip jatqan úmitkerlerdiń bastamasy meni qýantty. Partııamyzdyń laıyqty kóshbasshylary anyqtalyp, nátıjeli jumys atqaratynyna tolyqtaı senimdimin», - deıdi  Erbolat.

Sonymen qatar, daýysty onlaın arqyly berý ýaqytty únemdeýdiń jáne sońǵy jaǵdaılarǵa baılanysty adamdardyń densaýlyǵy úshin tıimdi ekenin aıtty.

«Onlaın daýys berý biz úshin tıimdi bolyp tur. Jumysta bolǵandyqtan arnaıy saılaý ýchaskesine baryp, tańdaýymyzdy jasaý ýaqytymyzǵa sáıkes kele bermeıdi. Qyzmetimizdi atqaryp júrip primaries  mobıldik qosymsha arqyly daýysymyzdy berdik. Bir jaǵynan elimizde baryp jatyrǵan sońǵy tótenshe jaǵdaılarǵa baılanysty erekshe túrde uıymdastyrylǵan», - deıdi ol.

Al aýyldan tańdaýyn jasaǵandardyń biri -Málik Sársenov. Ol Dostyq aýylynyń mektebinde muǵalim. Qosymsha sharýashylyqpen aınalysyp, qoıan jáne qoı basyn kóbeıtip otyr.

«Elimizdegi qazirgi jaǵdaıdy eskere otyryp onlaın daýys berýdi uıǵardym. Bári tıimdi uıymdastyrylǵan. Aýyldyqtar óte rıza. Eshqaıda sabylyp júrýdiń qajeti joq. Árkim óz úıinen tańdaýyn jasaı aldy. Mysaly, men aýdan ekonomıkasyna paıdasyn tıgizer, saıası-qoǵamdyq ómirde oıyp turyp oryn alar belsendilerdiń jeńiske jetip, el ıgiligi úshin daýys berdim», - dedi ol.

Al eń shalǵaı aýdandardyń biri – Shalqardan jas maman Altynaı Nurlanova daýys beripti. Ýaqytqa da, jerdiń shalǵaılyǵyna da qaramastan tıimdi júıemen daýys bergenine dán rıza.

«Ózim aǵylshyn tiliniń muǵalimimin. Sheteldiń ozyq tájirıbesinen habarym bar. Elimizde praımerız ótetinin estigende eleń ettim. Jańalyqtardy áleýmettik jeliden baqyladym. Uıaly telefonyma «Praımerız» qosymshasyn júktep alyp, daýys berýdi asyǵa kúttim.  Onlaın daýys berý qyzyqty ári tańdaǵan kandıdatyma tezirek qoldaý bildirgim keldi», - dedi ol.

Pikirler