Indet kezinde Qazaqstanda tabysy eń tómengi kúnkóris deńgeıinen az adamdar sany 5,7 paıyzǵa artqan. Bul týraly statıstıka komıtetiniń deregin zerttegen analıtıkalyq Finprom saıty habarlady.
2019 jyly eń tómengi kúnkóris deńgeıinen az aqsha alatyn adamdar 4,2 paıyzdy quraǵan. Bul 2011 jyldan bergi eń nashar kórsetkish.
Aqparat boıynsha, kedeıler sany jaǵynan Túrkistan (12,8%), Soltústik Qazaqstan oblysy (7,4%), Jambyl oblysy (6,9 proenta) alda tur. Nur-Sultan (1,4%), Qaraǵandy (2,4%), Atyraý (3,1%) oblystary qalǵan aımaqtarmen salystyrǵanda "aýqattyraq" bolyp shyqqan.
Almaty men Shymkentte turǵyndardyń tabysy byltyrmen salystyrǵanda azaıǵan. Almatyda kedeılik deńgeıi - 6,2 paıyz (byltyr ekinshi toqsanda 2,6 paıyz bolǵan), Shymkentte 6,4 paıyzdy (ekinshi toqsanda 3,1 paıyz) quraǵan.
Zertteýshilerdiń aıtýynsha, Qazaqstanda ekonomıkalyq belsendilik tómendep, koronavırýs daǵdarysynyń áseri qatty biline bastaǵan tusta "kedeılený" trendi barlyq óńirde baıqalǵan. Elde tabysy kúnkóris deńgeıinen az 1,1 mıllıon adam bar.
Shilde aıynda Dúnıejúzilik bank indettiń kesirinen Qazaqstanda taǵy 800 myń adam kedeıler qataryna qosylady dep boljaǵan edi. 2020 jyly kedeılik deńgeıi "boljaldy" 8,3 paıyzdan 12,7 paıyzǵa deıin artýy múmkin.
