Densaýlyq saqtaý mınıstrligi taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev qus tumaýy men koronavırýstyń baılanysy týraly aıtty, dep habarlaıdy Stan.kz aqparat agenttigi.
Ortalyq kommýnıkaııalar qyzmetinde ótken onlaın brıfıng barysynda mamandar "Koronavırýstyń qus tumaýynyń taralýyna áseri bar ma?" degen suraqqa jaýap berdi.
Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıevtiń sózinshe, bul eki vırýs bir-birimen baılanysy joq vırýstar. Olardyń taralýy da ártúrli. Biri qustarǵa áser etse, endi biri adamdar arasynda taralady.
"Koronavırýs pen qus tumaýy bir-birimen baılanysty emes. Koronavırýs adamdar arasynda taralsa, qus tumaýy tek qustarǵa juǵyp jatyr. Iaǵnı koronavırýsty tasymaldaıtyn adamdar, qustar emes", - deıdi Tımýr Sultanǵazıev.
