Shymkent qalasynda osy jyly múmkindigi shekteýli balalardy qoǵamǵa beıimdeý, bilim berý boıynsha júıeli sharalar qabyldanǵan.
Bul jóninde tolyǵyraq Shymkent qalasynyń ákimi Murat Áıtenov "Shymkent - adaldyq alańy" jobasy ANTIKOR LIVE tikeleı efırinde aıtty.
- Bıyl múmkindigi shekteýli balalardyń kedergisiz bilim alýyn qamtamasyz etý maqsatynda «MALAHIT arnaıy bilim berý uıymdarynyń qyzmetteri» platformasyn iske qostyq. Onda arnaıy bilim berý uıymdary kórsetetin qyzmetterdi kedergisiz alýǵa múmkindik jasalǵan, - dedi Murat Dúısenbekuly.
Sonymen qatar, ol tehnıkalyq jáne kásiptik bilim berý júıesin jolǵa qoıý, suranysy joǵary mamandyqtardyń tizbesin qalyptastyryp, olardyń ekonomıkanyń qozǵaýshy kúshi retindegi rólin joǵarylatý maqsatynda atqarylǵan jumystardy baıandady.
Qala ákiminiń aıtýynsha, bul baǵytta «College Smart Nation» portaly engizilgen.
Atalǵan portal stýdentterdi oqýǵa qabyldaýdy, qajetti anyqtamalardy elektrondy júıe arqyly alýdy jáne tegin tamaqpen qamtamasyz etýdi qarastyrady eken.
Shymkent qalasy ákiminiń baspasóz qyzmeti
