Orta salmaqta WBA Super, WBC Franchise belbeýiniń, ekinshi orta salmaqta Regular belbeýiniń ıegeri meksıkalyq Saýl "Kanelo" Alvares orta salmaqta IBF jáne IBO belbeýleriniń ıegeri qazaqstandyq Gennadıı Golovkınmen úshinshi kezdesýge qatysty pikir bildirdi, - dep habarlaıdy "Adyrna" tilshisi Vesti.kz - ke silteme jasap.
Eske salaıyq, eki boksshy osyǵan deıin 2017 jáne 2018 jyldary Las-Vegastaǵy T-Mobile Arena sport kesheninde eki ret kezdesken bolatyn. Birinshi kezdesýde teń nátıje tirkelse, ekinshi kezdesýde tóreshiler jeńisti "Kaneloǵa" berdi. Bul qazaqstandyq boksshynyń kásipqoı bokstaǵy birinshi jeńilisi edi. Endi olardyń úshinshi kezdesýi 2021 jyldyń mamyrynda ótedi degen sybys bar.
"Golovkınmen kezdesý men úshin qyzyq emes. Men ony eki ret jeńdim. Biraq eger bul bıznes jaǵynan bizge kerek bolsa, onymen úshinshi ret kezdesýde kelisimimdi beremin", - dep keltiredi meksıkalyqtyń sózin Infobae.com basylymy.
"Adyrna" ulttyq portaly
